[retour à un affichage normal]

Mazarinade n° A_3_72

Image de la page

D. B. [signé] / Cyrano de Bergerac, Savinien de [?] [1649], LE GAZETTIER DES-INTERRESSÉ. , françaisRéférence RIM : M0_1466. Cote locale : A_3_72.

Nous nous plaignons seulement icy, que le Cardinal
Mazarin se soit paré de nos ornemens, qu’il se soit
fait grand de nos pertes, & qu’il compose encore aujourd’huy
ses triomphes de nos gemissemens & de
nos miseres. Nous nous estions contentez de souspirer
dans nos familles : Nos plaintes n’estoient point
sorties de nos maisons : Nostre lict & nostre foyer
auoient partagé toutes nos larmes, & nous n’auions
eu pour tesmoins de nostre murmure, que nos freres,
que nos enfans, & nos femmes. Mais depuis que
nous auons veu qu’il s’est emparé ouuertement de
l’Estat, qu’il nous a desrobé nostre Prince legitime,
qu’il l’à mesme enleué de nuict, sans auoir égard à sa
personne sacrée, ny au mal-heur qui pouuoit suiure
la delicatesse de son temperament & de son aage, &
qu’il nous a voulu presser par la guerre & par la famine,
nous nous sommes fortifiez contre ses attaques,
& nous n’auons pas moins fait que ces ouuriers, qui
pour trauailler plus seurement aux murailles de Ierusalem,
tenoient la truelle d’vne main, & l’espée de l’autre.
Nous auons reconnu que ce Ministre ambitieux
estoit prest de se faire vne puissance legitime de l’vsurpation,
& qu’il ne luy restoit plus rien à faire, apres
s’estre mis au dessus des loix, & au dessus des Magistrats
qui sont commis à la distribution de la iustice.
Nous auons remarqué par la suitte & par la violence
de ses desseins, qu’il auoit charmé la plus part des
grands, & qu’il auoit esbloüy des Princes pour qui
les Poëtes les plus des interessez ont fait éclatter des
Odes qui ne valent gueres moins que des Hymnes,