[retour à un affichage normal]

Mazarinade n° C_9_46

Image de la page

D. B. [signé] = Cyrano de Bergerac, Savinien de [?] [1649], REMONSTRANCE DE LA NOBLESSE A LA REYNE REGENTE. POVR LA PAIX. , françaisRéférence RIM : M0_3312. Cote locale : C_9_46.

que vostre Maiesté soit pleinemeut informée des intrigues
de la plus part des Ministres ; elle sçauroit que leur
Politique n’est qu’vne longue suitte de crimes, qu’vne
estude de fourberie, qu’vn recueil de maximes dangereuses
& cruelles, & vn secret infaillible pour degouster les
plus fideles, pour aueugler les ambitieux, pour corrompre
les gens de bien, & pour faire des miserables. Pour voir vn
tableau viuant de nostre misere & de leur inhumanité, on
n’a qu’a regarder vos suiets dans vos Prouinces, on y treuuera
des solitudes que le sang & le feu ont marquées d’vn
bout à l’autre, & tout y fume encore ou d’embrazement
ou de meurtres à qui la Philosophie la plus indifferente &
la plus austere ne peut plus refuser ses larmes. C’est vn prodige
espouuentable que nous fassions pitié à nos ennemis,
cependant que nos gens mesmes ne s’opiniatrent qu’a nostre
desolation & à nostre perte, que nous soyons pillez par
ceux qui ont fait nostre amour & nostre esperance, & que
nous tirions du secours de ceux là mesmes de qui nous deuions
tout craindre, Vostre Maiesté, Madame, ne peut
plus douter que nous n’ayons trauaillé puissammenr au
bien de l’Estat, depuis qu’elle nous a mis en exercice ; que
la France n’a esté estenduë par nostre moyen, au de là de
ses premieres limites ; que nos Peres & nos Parens ne se
soient genereusement sacrifiez à la gloire de nostre Roy
pour en affermir le Throsne, & pour en aduancer les victoires,
& que nostre fidelité ne parle de tous costez en nostre
faueur, par nos playes qui ne sont pas encore fermées.
Les Cicatrices en seront tousiours honorables : Quelques
incommoditez qu’elles nous apportent, nous ne laisserons
pas de les benir, puisque c’est par elles que nous auons appris
à vaincre & les mutins & les rebelles, & nous ne serons
pas moins zelez que ce fameux General qui se consoloit
d’estre deuenu boitteux, en sauuanr sa chere patrie ; &