[retour à un affichage normal]

Accueil > recherche > Affichage d'une occurrence en contexte

Mazarinade n° B_15_5

Image de la page

De Guénégaud [signé]; Du Tillet [signé] [1652 [?]], SECOND ARREST DV CONSEIL DV ROY, tenu à Pontoise le 23. Iuillet, Portant Cassassion de l’Arrest du Parlement de Paris, des 19. & 20. de Iuillet 1652. , françaisRéférence RIM : M0_3603. Cote locale : B_15_5.


Royaume de la ruïne en la quelle il est prest de tomber par
les mauuais conseils dudit Cardinal, prendre la qualité de
Lieutenant General du Roy dans l’estenduë du Royaume,
Terres, & Seigneuries de son obeyssance, & en faire toutes
les fonctions. Ordonne qu’il sera reconnu en ladite qualité
par tous les Suiets de Sa Maiesté, tant & si longuement
que ledit Cardinal sera en France, & que ladite Declaration
contre luy dudit Seigneur Roy, soit executée ;
Et ledit Sieur Prince de Condé aussi prié d’accepter sous
l’authorité dudit Sieur Duc d’Orleans le Commendement
& la conduite des Armées : Ordonne en outre, que les
Officiers du Roy, Capitaines de ses Gardes, & tous autres
ayans Charges prés la personne de sa Maiesté, en demeureront
responsables, & leur posterité ; & qu’il sera escrit
audit Seigneur Roy de la part de ladite Cour, pour excuser
lesdits Deputez de ne s’estre rendus à la suite de Sadite
Majesté, & la supplier derechef de vouloir esloigner ledit
Cardinal Mazarin ; & à tous les Parlemens, lesquels seront
inuitez de donner pareil Arrest ; & aux Maires & Escheuins
des Viles principales du ressort : Et sera le present Arrest
affiché par tout ou besoin sera, à ce qu’aucun n’en
pretende cause dignorance. Fait en Parlement le vingtiesme
Iuillet mil six cens cinquante deux.
 

Signé DV TILLET,
Collationné à l’Original, par moy
Conseiller, Secretaire du Roy,
Maison Couronne de France &
de ses Finances.