[retour à un affichage normal]

Mazarinade n° B_13_24

Image de la page

Deslandes, Payen [signé] [1652], REQVESTE PRESENTEE A NOSSEIGNEVRS DV PARLEMENT Par les Principaux Bourgeois de la Ville de Paris. Pour vne leuée des gens de Guerre, necessaire pour l’execution de la Declaration & Arrests rendus contre le Cardinal Mazarin, restablissement du repos & tranquillité de l’Estat, & salut particulier de ladite ville de Paris. , françaisRéférence RIM : M0_3502. Cote locale : B_13_24.

cet affront luy auroit fait conceuoir vne
hayne mortelle contre ladite Ville, & laisse
vne resolution de punir hautement &
auec exemple dans vne autre temps, son
amour pour le Parlement. Ce proiet a
commencé à paroistre dans le Blocus de la
dite Ville de Paris, par lequel il n’a pas
moins voulu que de la faire perir par le fer
le feu & la faim : Mais cette premiere tentatiue
de ses vengeances n’ayant pas reussi
par la legitime deffense de cette ville contre
ses iniustes efforts il auroit dissimulé
son ressentiment iusques à vne nouuelle
occasion glus propice, pour laquelle estãt
reuenu à Paris auec le Roy, il auroit artificieusement
semé la diuision entre Monsieur
le Prince de Cõdé & ceux qui auoiẽt
assisté ladite Ville de Paris de leurs Conseils
& armes pendant ledit Blocus, & encores
jetté la discorde tant parmy que les
principaux Membres du parlement que
les Cytoyens de ladite Ville affin que les
vns & les autres se perdans mutuellement
sa vengeance fust plus facille sur le reste
des Habitans de ladite Ville. Mais cette
seconde tentatiue ne luy ayant pas mieux
succedé que la premiere. Adioustant artifice