[retour à un affichage normal]

Accueil > recherche > Affichage d'une occurrence en contexte

Mazarinade n° B_13_2

Image de la page

Gaston / de Fromont [signé] [1652], LETTRE CIRCVLAIRE ESCRITE PAR SON ALTESSE ROYALE A MESSIEVRS LES GOVVERNEVRS DES PROVINCES, SVR LE SVIET DE SA QVALITÉ DE Lieutenant general du Roy en l’estenduë de son Royaume, Terres & Seigneuries de son obeyssance tant que le Cardinal Mazarin sera en France. , françaisRéférence RIM : M0_1823. Cote locale : B_13_2.


vous contribuerez volontiers de toute l’authorité & la
creance que vous auez en vostre Gouuernement, pour
l’heureux accomplissement d’vn ouurage si important
à la conseruation de l’Estat ; I’ay desiré vous en donner
aduis, afin que vous concourriez auec moy dans
vne mesme fin ; Que vous m’informiez de tout ce qui
se passera en vostre Prouince ; Que vous y empeschiez
de tout vostre pouuoir qu’il ne s’y fasse aucune chose
qui puisse fauoriser les pernicieux desseins dudit Cardinal,
& que vous teniez la main à ce que tout ce qui
sera iugé necessaire pour son expulsion hors du Royaume,
& pour le restablissement de la tranquillité publique
y soit exactement executé, & selon que le zele &
la passion que vous auez tousiours fait paroistre pour
le seruice de sa Majesté & le bien de son Estat vous y
obligent. Ce que me promettant de vostre affection,
Ie vous asseure que ie suis de toute la mienne,
 
MON COVSIN,
Vostre bien bon Cousin,
GASTON.
A Paris le 23. Iuillet 1652.