[retour à un affichage normal]

Mazarinade n° A_5_71

Image de la page

H. R. P. [signé] [1649], LETTRE D’VN GENTIL-HOMME de la ville d’Aix en Prouence, adressée à vn sien amy, à Paris. SVR CE QVI S’EST PASSÉ depuis la detention du Comte d’Alais, & du Duc de Richelieu. , françaisRéférence RIM : M0_1869. Cote locale : A_5_71.

cette Prouince. Ces raisonnements ont eu vn tel
effet qu’ils ont eu force de cause iugée. Le sieur Ferron
arriuant deux iours aprés, fut forcé de donner
l’abolition, & la reuoquation du Semestre, apres
quoy ayant dit sa creance de la part du Conseil à
Messieurs du Parlement, il fut respondu qu’on ne
pouuoit parler d’aucune affaire auec luy, que les
deputés du Parlement qui sont à Paris auoient
ample pouuoir de traiter generalement de toutes
choses, mesmes depuis le dernier courrier qu’on
leur auoit despeché le vingt-quatriesme Ianuier,
& qu’il falloit attendre de leurs nouuelles. Ie ne vois
rien à craindre à present dans la Prouince : puisque
toutes les villes importantes comme Marseille,
Arles, Toulon, & les autres vont tres bien pour
le seruice du Roy, pour l’interest du pays & du
Parlement ; qu’elles ont enuoyé au Roy pour l’asseurer
de leur fidelité, comme la ville d’Aix au
nom de tout le païs : Ceste vnion fait le repos de la
Prouince, & me fait esperer de la bonté de la
Reyne, qu’elle escoutera les deputés du Parlement,
qui ont esté ioüés iusques à present par les fourbes
de son ministre, & qu’ils reuiendront dans peu de
temps auec la satis-faction de tout le païs, puis
qu’ils sont en parfaicte intelligence auec la plus
illustre compagnie du monde. Vous n’aurés rien
autre chose pour le present que le salut de tous les
chers amis qui vous coniurent d’acquiter vos
debtes, par la premiere occasion que vous aurés de