[retour à un affichage normal]

Accueil > recherche > Affichage d'une occurrence en contexte

Mazarinade n° C_3_41

Image de la page

Henri (Prince de Galles) [signé] [1649], LETTRE DV PRINCE DE GALLE ENVOYÉE A LA REYNE D’ANGLETERRE. Auec les regrets du mesme Prince sur la mort du Roy de la grand Bretagne, son Seigneur & pere. Arriuee d’Amsterdam le 24. Feurier 1649. , françaisRéférence RIM : M0_2129. Cote locale : C_3_41.


auec tous les biens de la terre, s’ils estoient en ma puissance,
pour pouuoir tirer raison de la barbarie exercée sur la
personne sacrée de mon pere. I’aduoüe franchement, Madame,
que ie ne respireray iamais que la perte de ces traistres,
& que ie ne feray plus de vœux que pour forcer, s’il
faut ainsi dire, la puissance diuine à les abysmer, mais le
chastiment ne seroit pas proportionné à leurs demerites, il
faudroit que ie les eusse en ma disposition, i’espere que la
bonté de Dieu m’assistera, & que rendans la paix aux Princes
nos alliez, il suscitera quelque occasion qui fera reussir
mon dessein, vous y pouuez beaucoup, Madame, c’est
pourquoy ie supplie V. Maiesté de me secourir. Ie ne peux
vons en dire dauantage, ma douleur me redoublant ne me
permet plus autre chose que de vous enuoyer vn adieu que
vous presentera de ma part le Gentil homme que ie vous
depesche, qui vous dira de bouche ce que ie n’ay peu vous
declarer en la presente, Ie suis,
 
MADAME,

De vostre Maiesté,
Tres-affectionné Fils Henry Prince
de Galle, & Roy de la Grand’Bretagne.