[retour à un affichage normal]

Mazarinade n° C_3_54

Image de la page

I. D. L. T. [signé] [1649], LETTRE CVRIEVSE SVR CE QVI S’EST PASSÉ DE plus remarquable à Paris depuis le iour des Roys, iusques à la fin de la premiere Conference ; Auec vn petit discours de la vie & de la mort de Monsieur le Comte de Soissons. , françaisRéférence RIM : M0_1835. Cote locale : C_3_54.

de l’Archiduc Leopold ; Nos Generaux qui n’auoient
point voulu permettre aux Bourgeois d’aller combatre
nos ennemis, se preparoient à leur faire voir que
la gelée n’auoit point refroidy leur courage, & que
s’ils auoient differé iusques à present à les attaquer,
c’estoit pour prendre leur temps si à propos, que rien
ne manquast à leur dessein : mais si tost que cet Enuoyé
eut fait sa declaration ; il fut resolu, contre l’opinion
de plusieurs, qu’on deputeroit à la Reine pour en
donner avis à sa Maiesté, & pour apprendre d’elle quelle
response en luy feroit. Il n’est pas besoin de vous dire
l��estonnement que cela apporta à la Cour, il suffit que
vous sçachiez qu’on y proposa vne Conference, qui
fut acceptée de part & d’autre, & que nonobstant les
clameurs du peuple, qui demandoit la guerre, & qui
disoit qu’on ne se deuoit pas sier à ceux qui ne donnoient
leur foy que pour tromper : on ne laissa pas
d’enuoyer des Deputez à Ruel, où estoit le lieu de
l’assemblée.
 
Quelques aduantages qui se rencontrent dans les
discentions ciuiles, la paix a tousious des charmes qui
la font souhaiter ; c’est vn bien si conuenable à l’homme,
que sans luy tous les autres ne sont, à proprement
parler, que des maux. Mais si, au rapport de
Ciceron, il faut quiter quelque chose de son droict
pour l’obtenir, au rapport de Tite Liue, pour la faire
bonne, il la faut faire iuste, & prendre garde que
sous vn pretexte specieux, il n’y ait vn suiet le guerre