[retour à un affichage normal]

Mazarinade n° C_5_47

Image de la page

Illescas, don Joseph d' [signé]; Habsbourg, Léopold-Guillaume de [signé] [1649], VERITABLE HARANGVE FAITE A MESSIEVRS de la Cour de Parlement, par le Courier. Enuoyé de la part de son Altesse l’Archiduc Leopold, apportant le traité de la paix, entre les Couronnes de France & d’Espagne. , françaisRéférence RIM : M0_3936. Cote locale : C_5_47.

tels de leurs corps, en tel lieu qu’ils voudront
eslire, mesme Paris si bon leur semble, où le
Roy mon Maistre enuoyera ses Deputez pour
y conclure vne bonne paix & raisonnable, qui
donne le repos & la tranquillité perdurable
aux deux Couronnes ; auquel traitté sera aussi
compris le Duc de Lorraine, qui n’a pas voulu
s’accommoder auec ledit Cardinal pour
contribuer à l’oppression dudit Parlement, &
de la ville de Paris, mais est demeuré ioinct au
party d’Espagne. Cependant ie declare qu’il
y a desia 18. à 20. mil hommes qui s’assemble
sur la Frontiere, donnant parole qu’ils n’entre
prendront rien sur les terres du Roy tres-Chrestien,
ny sur les Places qui sont sur les
Frontieres ; ce qu’on auroit peu faire dans le
mauuais estat, auquel elles se trouuent à present,
ne restans que 2. cens hommes dans Peronne,
autant dans S. Quentin, & beaucoup
moins dans le Castelet, & dans les autres à
proportion. I’offre aussi de la part du Roy
mon Maistre toutes les troupes au Parlement
pour la conseruation s’il en a besoin, auquel
cas le Parlement en vsera en la maniere qu’il
iugera le plus à propos, soit en les faisant conduire
par des Officiers François, qui seront