[retour à un affichage normal]

Accueil > recherche > Affichage d'une occurrence en contexte

Mazarinade n° B_20_14

Image de la page

L. D. A. [signé] [1649], LETTRE D’VN SEIGNEVR FRANCOIS ENVOYEE AV PRINCE DE GALLES, SVR LA MORT DV ROY D’ANGLETERRE SON PERE, Pour l’obliger à venger sa mort, se remettre en ses Estats & se mesler de la Paix generalle. , françaisRéférence RIM : M0_1897. Cote locale : B_20_14.


affliction qu’à receu vostre Serenissime
Majesté, de la perte du Roy de tres-glorieuse
memoire, vostre Sei[illisible]ur & Pere : I’ay vne trop
parfaite connoi[illisible] la grandeur de vos inclinations
pour pouuoir douter qu’en vn accident
si estrange & si inoüy, vostre ame la plus
[illisible] qui soit au monde n’ait beaucoup souffert
d’vne si cruelle atteinte. Mais, SIRE, ie veux
prendre la liberté de conuier vostre Serenissime
Majesté, apres auoir rendu les droits que la
nature exige auecque tant de justice d’elle, de
vouloir non pas chasser cette douleur, mais la
fortifier auecque ce courage inuincible qui reluit
en toutes ses actions pour tirer vengeance
du plus horrible crime qui ayt esté imaginé
dans l’esprit des plus scelerats hommes : Toutes
sortes d’occasiõs, SIRE, semblent fauoriser vne
si glorieuse & genereuse entreprise, l’esperance
qu’on a d’vne paix generale par toute l’Europe
obligera tous les Princes Chrestiens, comme
ils sont liez tres-estroictement de sang &
d’interest auec Vous, de joindre leurs armes auecque
les vostres, pour vous mettre sur la teste
vostre Couronne vsurpée & enuahie par vn
barbare, & aller à vostre secours comme à vne
guerre saincte. L’amour & la passion qu’ont
tous les François pour leurs Roys, fera engager
cette braue Noblesse à vostre party, pour
faire connoistre à toute la terre qu’ils sont les