[retour à un affichage normal]

Accueil > recherche > Affichage d'une occurrence en contexte

Mazarinade n° A_4_7

Image de la page

La Mothe-Houdancourt (Henri de) [?] [1649], QVATRIEME FACTVM, OV DEFENSES DE MESSIRE PHILIPPES DE LA MOTHE-HOVDANCOVRT DVC DE CARDONNE, & Mareschal de France, CY-DEVANT VICE-ROY ET CAPITAINE General en Catalogne. Auec plusieurs Requestes, Arrests, & autres Actes sur ce interuenus, tant au Conseil, qu’ailleurs. , français, latin, espagnolRéférence RIM : M0_2849. Cote locale : A_4_7.


vsage de vostredit Parlement de Grenoble a tousiours esté de
iuger les accusez, quoy que simples Gentils-hommes, toutes
les Chambres assemblées. Comme il se void encore par le iugement
du procez du sieur de Montbrun iugé depuis peu, sans aucune
exemple contraire. Il plaise à vostre Majesté conformément
ausdites Lettres d’euocation du 17. Iuin, & Arrest du
Conseil donné en suite le 2. Septembre dernier, & sans s’arrester
à ladite Cõmission du dernier Decembre ordonner que le procez
dudit Suppliant sera instruit & iugé en vostredit Parlement
de Grenoble, ainsi qu’il est accoustumé toutes les Chambres
ensemble, si mieux il ne plaist à Sa Majesté le renuoyer en vostre
Parlement de Paris pardeuant ses Iuges naturels, pour y
estre procedé selon les formes, Loix & Ordõnances du Royaume,
& le Suppliant continuera ses prieres pour la santé &
prosperité de Sa Majesté.
 
Cette Requeste ayant este refusée au Conseil, attendu l’Arrest precedent,
ledit Seigneur Mareschal & son Secretaire accusé auec luy, ont
donné leurs iustifications ainsi qu’il ensuit. A NOSSEIGNEVRS DE PARLEMENT.
SVPPLIE humblement Iean-Baptiste Boisot
Secretaire de Monseigneur le Mareschal de la Mothe
Duc de Cardonne, & de l’Armée de Catalogne,
Commissaires des Guerres ; preuenu &
accusé à la Requeste de Mr le Procureur General.
Lequel represente que depuis trois ou quatre année il est
détenu prisonnier, sous pretexte de quelques accusations que
l’on a formées contre luy pendant qu’il a negotié en Catalogne
les affaires dudit Seigneur Mareschal Duc son Maistre.
Sur lesquelles accusations ayant esté interrogé en Catalogne
& à Grenoble, il auroit appris les chefs de ses accusations, &
par ses responses fait voir la calomnie des choses dont il est
accusé, & qu’il n’a rien fait dont il ne se puisse bien iustifier,
de mesme que ledit Seigneur Mareschal Duc le peut estre, par
le moyen des actes faits & signez par les Sieurs Dorée, Talon
& Moreau ; & autres actes publics par luy alleguez & employez