[retour à un affichage normal]

Accueil > recherche > Affichage d'une occurrence en contexte

Mazarinade n° C_3_48

Image de la page

Latour,? (capitaine) [?] [1649], LETTRE DV CAPITAINE LA TOVR CONTENANT LA REFVTATION des Calomnies imposées au party du Parlement, & de la Ville de Paris. , françaisRéférence RIM : M0_2083. Cote locale : C_3_48.


veritablement Royale, & parternelle,
lors que Dieu luy aura fait la grace de paruenir à
sa Maiorité.
 
Il est vray, me dites vous, que le Cardinal Mazarin
fait toutes ces choses de l’authorité de la
Reyne Regente, qui semble n’estre pas moins
absoluë que le Roy ; mais quand ainsi seroit que
la Reyne, en qualité de Regente & administratrisse
de l’Estat, n’auroit pas vn pouuoir moins
absolu que le Roy ; (ce qui est contré les loix fondamentales
du Royaume ; qui ne luy permettent
pas d’y rien innouer pendant la minorité.) Cette
consideration neantmoins, n’empesche pas que
la deffence du Parlement, & de la Ville de Paris
ne soit legitime, & qu’ils ne puissent s’opposer
par les armes, contre les attaques que leur fait à
guerre ouuerte le Cardinal Mazarin, sans pourtant
déroger au respect qu’ils doiuent au nom du
Roy mineur qu’il vsurpe, & de la Reyne Regente
qu’il deçoit par ses pernicieux conseils : & la rai-
en est, qu’il est question en ce rencontre du salut
du Peuple, & de tout l’Estat, auquel toutes autres
considerations doiuent ceder ; car le Cardinal
Mazarin ne veut destruire le Parlement de Paris,
que pour abbattre d’vn contre-coup tous les
autres Parlemens de France, afin de pouuoir disposer
apres à sa volonté, & sans resistance, de la
vie, & des biens de tous les François, ainsi qu’il
auoit fait par le passé, & se rendre finalement