[retour à un affichage normal]

Accueil > recherche > Affichage d'une occurrence en contexte

Mazarinade n° B_2_8

Image de la page

Anonyme [1652], L'HERACLITE FRANÇOIS, PARLANT I. Au Roy, de l'estat de son Royaume. II. Sur les iustes entreprises de son Altesse Royalle, & de Messieurs les Princes. , françaisRéférence RIM : M0_1622. Cote locale : B_2_8.


Royaume, & que vous ne pouuez luy
donner vne entiere guarison, si ce n’est en
arrachant cette mauuaise plante, laquelle
en a tant produit de semblables, car tout
autant de Creatures que Mazarin a faites,
sont autant de complices dans ses voleries,
& qui tout ensembles ont iuré nostre
perte : Voyez SIRE, que son mauuais
dessein tend a vostre ruyne aussi bien qu’à
la nostre : car de grand Roy que vous
estes pour estre le Monarques d'vn grand
nombre de suiets, qui est l’honneur la force
& la puissance des Roys, il veut de
beaucoup diminuer la grandeur de vostre
Monarchie en l’affoyblissant tous les iours
comme il faict.
 
Ie croy que si vous connoissiez le tort
que le Cardinal Mazarin a causé dans vostre
Estat, vous vous defferiez librement
& sans difficulté de luy : mais las, à nostre
grand mal-heur, il a par le charme enchanté
de ses mal-heureux Conseils, tellement
gaigné vostre Majesté qui semble
qu’elle ne peut le bannir d’aupres elle :
Mais SIRE, desuoillez vos yeux, ny
souffrez plus que Mazarin les offusque