[retour à un affichage normal]

Mazarinade n° A_1_74

Image de la page

Louis (XIV), De Guénégaud [signé] [1649], LETTRES DV ROY, ESCRITES A MONSEIGNEVR LE DVC DE MONTBAZON, PAIR ET GRAND VENEVR DE FRANCE, GOVVERNEVR ET LIEVTENANT GENERAL POVR LE ROY, A PARIS, ET ISLE DE FRANCE. SVR LE SVIET DES ARTICLES accordez par sa Maiesté à la Conferance de Ruel, & de Sainct Germain en Laye. , françaisRéférence RIM : M0_2280. Cote locale : A_1_74.

ad>AVTRE LETTRE.
MON COVSIN, Estimant que pour
l’objet de mon seruice & restablissement
de la tranquilité de ma bonne Ville de
Paris, il est important que les Habitans d’icelle
eontinuent à faire garde aux portes,
i’ay bien voulu vous faire cette Lettre : Par
l’auis de la Reyne Regente Madame ma Mere, pour vous
dire que vous ayez à donner les ordres necessaires pour la
continuation de ladite garde, iusques à ce que les choses
estans entierement pacifiées, l’on la puisse leuer sans qu’il en
arriue aucun inconuenient. Et la presente n’estant pour autre
fin, ie prie Dieu qu’il vous ait, MON COVSIN, en
sa saincte garde. Ecrit à sainct Germain en Laye le trentiéme
iour de Mars 1649.
LOVIS.
DEGVENEGAVD.