[retour à un affichage normal]

Mazarinade n° B_13_64

Image de la page

Anonyme [1649], LA CENSVRE ECCLESIASTIQVE DE ROME LA SAINTE. CONTRE LA VIE DEPRAVEE DE IVLES MAZARIN. , françaisRéférence RIM : M0_671. Cote locale : B_13_64.

Cardinal, le mesme S. Siege, le S. Pere le Pape
y seant, vient de te degrader, & de te rendre
indigne de ce haut degré de gloire, & de
dignité. Ne tranche plus de l’eminent ; cette
qualité n’est plus tienne, & tes vices horribles
t’en ont exclus.
 
L’on sçait bien que c’est d’vne Magicienne
Callabroise, que tu as appris l’art de Magie,
dont tu t’es tousiours seruy, pour gagner &
preuenir les esprits des hommes, & des femmes,
& que c’est par cette science diabolique
que depuis huict ans tu tiens toute l’Europe
en guerre, & en dissention. Rome t’inuite, &
t’exhorte de la part de Dieu, du S. Pere le Pape,
& de tous les Cardinaux, à te repentir
amerement de tes enormes crimes ; d’en venir
faire vne austere penitence en cette saincte
Cité, dés que tu auras quitté la France,
que ie sçay bien qu’il faut que tu abandonnes
pour éuiter le supplice. Sa saincteté peut t’absoudre,
quelques grands, & enormes que
soient tes pechez, pourueu qu’en se iettant à
ses pieds tu en demandes pardon à Dieu, auec
vne contrition toute entiere. Quoy que Iudas
eut trahy, vendu, & fait mourir Iesus-Christ,
si est-il vray, que s’il s’en fust dignement