[retour à un affichage normal]

Accueil > recherche > Affichage d'une occurrence en contexte

Mazarinade n° B_3_7

Image de la page

Mengau, Jacques [?] [1652], REVOLVTION IMPERIALE DE LOVIS XIV. DIEV DONNÉ Contenant les liens de sa demarche pour paruenir a l’Empire Romain. Predit par l'Oracle François, Michel Nostra-Damus. , françaisRéférence RIM : M0_3547. Cote locale : B_3_7.


mais nostre ame qui n’est point composée des quatre
Elements me dira quelq’vn, les Astres n’auront point de
pouuoir sur icelle, ie voudrois demander a celuy la quand
vn homme qui est plein de vin qui chancelle & qui vague
sa ela, & qui parle a batons rompus, est ce l’Ame qui
faict parler c’est homme de la sorte sans rime ny raison &
qui tombe par terre a tout moment, n’est ce pas le vin qui
par sa chaleur enuoye des vapeurs au çerueau qui luy troublent
lentendement, il en est de mesme des Astres, mais
d’vne autre maniere plus s’ensible a l’Ame que non pas au
corps la conduisent dans des dangers & des passions soit a
bien, soit a mal si c’est dans vne action mauuaise, les ignorans
disent que c’est le diable qui luy a faict faire cela, ie ne
veux pas desnier que le diable ne se mesle par fois dans les
actions mauuaises & a mesure qu’il preuoit que les Astres
influent vne telle action, desquels il en peut auoir la connoissance
aussi bien que les hommes : mais encores plus
(ayant l’Ame Angelique) mais non pas tousiours que
quand Dieu le luy permet n’ayant point aucune puissance
sur nous que par permission quand elle luy est donnée &
qu’il ne soit ainsi, le diable ne demanda-til pas vn iour la
permission a Dieu pour troubler & inquieter le bon homme
Iob, & que Dieu luy donna toute permission pour l’inquieter
quant au corps : mais non pas sur son Ame que
Dieu luy reserua, combien de personnes se sont donnez au
diable pour estre fortunées au ieu, & si pour cela il n’a point
eu aucun pouuoir sur iceux, c’est pour vous dire que ce n’est
pas tousiours le diable qui nous faict faire des actions mauuaises
quoy qu’il en est la volonté, mais bien l’Ame du
monde, ce n’est pas a dire que les Astres ayent aucune volonté
premeditée, que celle que la nature luy a donnée
dans ses mouuements, qu’on nous figure comme vne roue
de fortune : car a mesure qv’n bon ou mauuais aspect influe
sur nous, nostre Ame qui est contingente au corps, se ressent