[retour à un affichage normal]

Accueil > recherche > Affichage d'une occurrence en contexte

Mazarinade n° B_7_36

Image de la page

Anonyme [1652], LA CHASSE DV MARESCHAL DE TVRENNE PAR MONSIEVR LE Prince, poursuiuant les Mazarins, auec huict mille Cheuaux. , françaisRéférence RIM : M0_691. Cote locale : B_7_36.


de celuy qui cause toutes nos troubles,
comme aussy à raison qu’ils croyoient
auoir desarmé nos Princes sous de fausses
promesses d’vne Amnistie generalle. Mais
cõme nos Princes ont esté assez instruicts
par leurs propres mal heurs que le Conseil
de la Cour, joint la peau du Renard à
celle du Lyon, aussy leur prudence & leur
valeur rend inutiles toutes leur ruses : Despuis
que son A. R. Et Monsieur le Prince
ont [1 mot ill.] le secours du Duc de Lorraine,
du Duc de Vvitemberg, & Cheualier de
Guyse, lesquels ont conduit 12000 hommes,
ils ont resolu de ne plus attẽdre l’ennemy
Mais de l’aller combattre. Pour
cette fin, Vendredy dernier fut tenu Conseil
de guerre dan le Luxembourg, où son
A. R. Par l’aduis de Monsieur le Prince &
Duc de Lorraine qui auoit disne ensemble
Monsieur de Beaufort, & le Duc de Vvitemberg,
estant dans l’Armée pour commander
il fut resolu de joindre les deux
Armées ensemble pour aller apres attaquer
l’ennemi.
 
Le Pont de batteaux qui auoit esté desia