[retour à un affichage normal]

Mazarinade n° B_12_45

Image de la page

N. [signé] [1652], ADVIS IMPORTANT D’VN ABBÉ AV CARDINAL MAZARIN, SVR LE SVIET DE SA SORTIE hors du Royaume de France. , françaisRéférence RIM : M0_516. Cote locale : B_12_45.

de nature & d’Estat, quelques considerations Chrestiennes,
vous-vous resoudrez bien-tost à vostre depart.
Taisez-vous icy, Politique, qui auez coustume
dans le gouuernement des Estats de tirer le rideau pour
dérober la veuë des maximes Chrestiennes, c’est icy,
& en ce temps plus que iamais, qu’elles doiuent auoir
lieu. Ie parle à celuy qui est place entre les deux premiers
Throsnes de la Terre, le Saint-Siege & le Thrône
du Roy Tres-Chrestien, il joint l’vn par sa dignité,
l’autre par son Ministere ; mais l’vn & l’autre luy doit imprimer
des sentimens Chrestiens, la teinture de sa pourpre
luy marque celle du Christianisme, qu’il doit porter
en l’ame, & l’honneur qu’il a eu d’estre Parrain du
Roy Tres-Chrestien, ne luy permet pas auprés de luy
l’vsage d’autre maxime que Chrestienne.
 
Ie reuiens à vous, MONSEIGNEVR, pour vous dire
que ie vous vois desormais en cette necessité de quitter
ou le sejour de la France, ou le nom de Chrestien. Iettez,
s’il vous plaist, les yeux sur les crimes que vostre
retour y a causez depuis quatre ou cinq mois : Cette
longue Armée que vous traisniez pour vostre escorte,
estoit comme vne funeste Comete qui nous prognostiquoit
tous les mal-heurs & les débordemens de vices
qui ont depuis innondé tout le Royaume. De toutes
ces Armées qui ont couuert toute la France, les vnes
pour vous conseruer, les autres pour vous destruire,
n’est-il pas vray que les vnes & les autres n’ont presque
seruy qu’à fortifier le crime & le mener comme en
triomphe, n’ayant rien fait de plus signalé que de respandre
par tout le pillage, le meurtre, le violement, &
le sacrilege ?
Doutez-vous, MONSEIGNEVR, que vous, comme
l’vnique sujet de toutes ces leuées, ne soyez aussi la cause
de ces desordres, &; par consequent responsable au
Tribunal de Dieu de tant de crimes ? Ie ne vois rien qui