[retour à un affichage normal]

Mazarinade n° B_5_18

Image de la page

R. [signé] [1652], LETTRE PROPHETIQVE Sur les affaires du temps. Presentée à Messieurs les Princes. , françaisRéférence RIM : M0_2253. Cote locale : B_5_18.

pour genereux que ceux qui ont fait preuue d’infidelité,
& la Braueure d’auiourd’huy consiste à qui
fourbera le plus hardiment.
 
Cela estoit bon à ces vieux Gaulois qui alloient
à l’assaut par tranchées, & auec la rondache & le
plastron,de chercher des couleurs & des pretextes
pour rompre la foy : Mais auiourd’huy comme on
se bat à découuert & à nud, l’on trompe de mesme :
Et c’est vne lascheté ridicule que d’auoir honte
d’estre lasche : Par le chemin qu’on tenoit autrefois
on auoit besoin de beaucoup d’estude & d’experience,
il falloit mediter sur le Tacite & sur le
Machiauel. Mais auiourd’huy que l’on a trouué le
secret de montrer toutes les sciences par abregé, on
est maistre en celle-là dés le premier coup, pourueu
qu’on ayt la hardiesse de l’estre. N’espuisez donc
pas toutes vos plaintes, & n’employez pas toutes
vos exclamations sur l’action du Duc Charles. Reseruez
en quelques-vnes au besoin, & ne vous
hastez pas de le mettre en la premiere place des
fourbes, de peur que vous ne soyez obligé de l’en
oster bien tost, pour y mettre quelqu’autre que le
temps vous indiquera. Vous ne doutez pas, Monsieur,
que ie ne fusse tres-fasché que cela arriuast,
parce qu’il ne peut arriuer sans la ruyne de tous les
gens de bien ; mais certes, ie n’en serois pas surpris.
Il y a long-temps que ie sçay bien que la pluspart
des Grands ont tousiours demi-douzaine de differents