[retour à un affichage normal]

Mazarinade n° B_12_65

Image de la page

Anonyme [1652], LA COMPARAISON DES COMPARAISONS AVX MAZARINS. BVRLESQVE FAIT à Descain. , français, latinRéférence RIM : M0_723. Cote locale : B_12_65.

de l’humeur des Italiens : Ie remarque, dit-il, qu’ils retiennent
tousiours l’ambition qu’ils ont fait paroistre dés le
commencement de leur Monarchie ; car aussi-tost qu’ils ont
cessé d’auoir le Commandement sur les corps, ils ont voulu
l’auoir sur les Ames. Cette response est vn peu hardie, ie le
confesse, aussi fut elle prononcée par vne personne qui n’auoit
pas bonne opinion de la Foy Romaine ; Neantmoins elle
ne laisse pas d’approcher de la Verité ; comme nous l’auons
esprouué depuis vn peu moins de cinquante années, que des
Italiens ont commencé de regner, (s’il faut ainsi dire, en France.)
Il seroit inutile déplucher l’Histoire, puisque pour si peu
que l’on ait esté sur la terre, ou l’on a veu de ses propres yeux,
ou bien on a oüy dire assez clairement & par la voix & par les
escrits, ce qui est arriué de funeste & d’espouuentable depuis
la mort du Grand Henry pere de nos Roys. De m’arrester
aussi à ce qui nous voyons tous les iours arriuer à nos pertes
& à nos dommages, ce seroit battre l’eau & vouloir enfermer
le vent : c’est à dire, faire des choses tout à fait inutiles,
puisque nous en sommes nous mesmes les témoins & les spectateurs.
Neantmoins afin de tuer le temps dans vne saison
où il tuë vne si grande quantité de personnes dans tout ce
Royaume, soit par la Guerre ou soit par la Maladie, ie m’arresteray
à vne comparaison gentille, bien que familiere, &
qui semble auoir vne proportion assez belle & assez subtile,
par ce moyen ie feray paroistre charitablement à nos Partisans
François qu’elle peut estre la fin & l’arriere garde de
leur ambition & de leur auarice, & s’ils veulent bien la peser
& la tourner de tous sens, i’espere qu’elle leur enseignera
le chemin par lequel ils doiuent marcher, car ie leur diray
comme Dedale disoit à son fils,
 
Medio tutissimus ibis.
Vn voyageur qui rencontre en vn Carrefour trois chemins
qui le font douter, lequel il doit suiure, ne se destournera
iamais tant, lors qu’il prend celuy du milieu, que s’il alloit
faussement à droit ou à gauche ; le milieu est tousiours le
plus asseuré. Les trop grandes richesses, & les honneurs excessifs
peuuent estre iustement comparez à la chaleur du Soleil,