[retour à un affichage normal]

Accueil > recherche > Affichage d'une occurrence en contexte

Mazarinade n° C_10_39

Image de la page

Rozard, N. [?] [1649], LE TRIOMPHE ROYAL, Et la réjoüissance des bons François, sur le retour du Roy, de la Reine & des princes. AVEC LA HARANGVE QVI LEVR a esté faite à leur entrée à Paris le 18. de ce mois: Ensemble l’explication du Feu artificiel de la Greue. DEDIÉ A MADAMOISELLE. , français, latinRéférence RIM : M0_3884. Cote locale : C_10_39.


les Bourgeois Marchands, iusques aux artisans, les
plus mécaniques ont sorty à foule & paru au milieu
de la campagne, pour voir cette Majesté passionnément
desirée, laquelle a fait son entrée ce iourd’huy Mercredy
dix-huictiesme Aoust, passé par la porte S. Denys,
receuë & escortée parles Preuost, Maires’& Escheuins
de Paris ; Il y auoit vingt pieces de canon, tout ioignant
la dite porte sur le rempart de la ville, mené auec
plusieurs boëtes, que l’on a tiré, qui ont par leurs bruits
& fumée purifié l’air, afin de se rendre serain à la veuë
de ce grand Prince, qui n’a rien de commun auec les autres ;
Ladite porte estoit richement tapissée en tapisseries
figurées, & en païsages.
 
Cette tres-celebre Ville a harangué sa Majesté, &
fait ses protestations de fidelité & de submission, tant
de fois iterées par Monsieur de Montbazon, cette Majesté
luy a donné vne grande attention, & tesmoigné
vne affection Royalle à l’endroit d’vn Peuple si deuot,
& zelé pour son seruice.
Ie serois prolix si ie cotois toutes les beautez qui se
sont veuës en ce celebre lieu, il vaut mieux dire pour
conclusion, & lors que l’on croioit estre plus agité, c’est
alors qu’on a trouué le repos. Mais ie ne peux finir sans
encourir censure, si ie ne dis que cette action plus diuine
qu’humaine n’auroit pas esté accomplie, si on n’auoit
adiousté à ce glorieux triomphe les feux de ioyes
qui ont esté vniuersels : outre le particulier qui a esté
fait en Greve, y ayant quatre Dragons aux quatre angles,
& au milieu vn Roy couuert de Lauriers symbole
de la Victoire, & vn homme à ses pieds luy presentant
vne espée nuë, qui signifie submission & obeissance, le
reste est aisé à expliquer, & pour reprendre le fil de
mon discours ce glorieux Prince a esté escorté iusqu’au
Palais Cardinal auec les mesme acclamations, & suiui
de tous les Princes & Princesses, & de Monsieur de
Montbazon Gouuerneur de Paris.
Apres ce mysterieux & artificiel feu de la Greve éleué