[retour à un affichage normal]

Accueil > recherche > Affichage d'une occurrence en contexte

Mazarinade n° B_11_34

Image de la page

Anonyme [1649], LA CONFERENCE DV CARDINAL MAZARIN, AVEC LE GAZETIER. Iouxte la coppie Imprimée à Bruxelles. , françaisRéférence RIM : M0_742. Cote locale : B_11_34.


Compagnies, qui font la gazette pour le Parlement, où l’on
n’oublie rien, & dans tous les memoires que ie reçois de la part des
vns & des autres, ie ne vois rien qui vous doiue toucher le cœur,
que d’vne passion de gloire & de generosité, & pour mon particulier,
ie diray franchement à V. E. ce que ie disois dernierement
l’vne de ses plus basses creatutes, & mon amy l’Euesque de Dol,
que c’est à present ou la mort m’est à souhait, voyant vos ennemis
abbatus à vos pieds, & conuaincus de la grandeur de vostre courage
par les effets de vostre generosité. Vous auez humilié les gens
de chicane, reglé leur Iurisdiction, & souffert qu’ils ont obtenu
tout ce qu’ils ont desiré pour la conseruation de leur dignité, &
pour le soulagement du peuple, (si les paroles peuuent contenter.)
En effet vous deuez passer pour le plus clement Ministre qui fut iamais,
puisque vous pardonnez de si grandes offenses, estant en vostre
puissance de les punir. Si nous estions à Rome, cela pourroit
passer pour vn Iubilé.
 
Le Card. Laissons-là les railleries contre la Religion, que ie
commence à connoistre pour vne source de nos mal-heurs : laissons
l’Euesque de Dol & ses semblables, qui ne me flatent que pour
auoir des benefices : Parlons serieusement, tu sçais la colere des
Parisiens & du Parlement contre moy ; Mais que dis-je, il faut dire
de toute la France, & de toute l’Europe. Tu sçais combien de libelles
on a fait pour la tesmoigner par escrit, en attendant qu’on
le fasse par effet. Il y a trois mois qu’on ne fait autre chose, & auec
tant de presse, que les presses ont desia vsé tout l’ancre, & tout le
papier : Les Notaires, les Procureurs & les Sergeans se plaignent
qu’on ne leur en laisse point, & l’on n’entend par les ruës que nouuelles
pieces, iusques à me nommer Cardinal Burlesque : ce qui
a empesché les Colporteurs d’auoir faim pendant le blocus, mais
qui me doit faire songer à ma conscience, & auoir recours à la finesse
de mes amis, dont ie sçay que tu es du nombre, & que tu n’en
manque pas.
Gaz. A la verité Monseigneur, V. E. n’est point trompée en ce
qu’elle me met non pas au nõbre de ses amis, à Dieu ne plaise, mais
de ses plus affectionnez & affidez seruiteurs, & à la mienne volonté
que i’eusse autant d’adresse & d’esprit, comme vous en auez de
creance, vous en auriez ressenty les effets si glorieux, qu’à present
vous seriez plus triomphant au milieu de Paris, que ne fut iamais
Cesar à Rome, apres auoir dompté les ennemis de l’Estat : & si vous
auiez veu la moindre des pieces secrettes que i’ay fait depuis vn