[retour à un affichage normal]

Accueil > recherche > Affichage d'une occurrence en contexte

Mazarinade n° B_15_3

Image de la page

Anonyme [1652], LA CONFERENCE SECRETTE, TENVE A PONTOISE ENTRE LE ROY, LA REYNE, Le Cardinal Mazarin, Messieurs les Princes, & plusieurs autres Grands Seigneurs de la Cour. , françaisRéférence RIM : M0_745. Cote locale : B_15_3.


L’vn m’appelle Nazin, l’autre Masquarin, & d’autres
Tabarin : Et comme il s’en trouue tousiours de plus
malicieux les vns que les autres, qui s’amusent à me
rogner les ongles iusqu’à la chair, pour me faire dire
ouf en Italien ; les autres me coupent les aisles comme
si i’en auois, & d’autres auec vn oignon m’en font sauter
l’eau aux yeux pour me faire pleurer : Ils me font
voir mes ayeuls en Crieurs de mort au rats, en Violõs,
en Preneurs de taulpes, en banqueroutiers, en porte
poulets, & en marchands d’allumettes, si bien que ie
ne puis pas quelquesfois au milieu de ces inquietudes,
m’empescher de rire d’vne si belle Genealogie : Que
s’il leur prend enuie de faire quelque musique enragée,
pour me déplaire & m’inquieter d’auantage, ils
me font comme le pilier où ils attachent leurs parties,
& ie me treuue en vn instant si chargé de lambeaux de
vieux papiers, qu’il s’en faut bien peu que ie n’en sois
accablé, & quelques-vns me montrant au doigt, disent,
voila le Cardinal en pieces. Puis quand ils sont
souls de criailler, ils ramassent tous ces papiers en vn
pacquet qu’ils me mettent sur le corps, & disent voila
Mazarin pris au trébuchet dans l’vnion : en effet, il
me seroit impossible de me remuër sous vn faix si pesant :
Tout le monde se prit à rire de ces plaisantes
imaginations, & chacun luy fit quelque question sur
vn suiet si risible. Le Roy luy demanda si ces esprits
estoient faits comme des hommes, & il luy répondit,
qu’ils prenoient toutes sortes de formes, mesmes des
plus cruels animaux.
 
La Reine luy demanda, si c’estoit en dormant qu’il
auoit toutes ces belles visiõs, à quoy il respõdit, qu’il