[retour à un affichage normal]

Mazarinade n° B_13_3

Image de la page

Anonyme [1652 [?]], LA CONFIRMATION DE L’ENTIERE DEFAITTE DES TROVPPES DV CARDINAL MAZARIN, Apportée par le dernier Courrier de Monsieur le Prince, à son A. R. le 10. Avril. Auec la Liste des prisonniers, morts & blessez. , françaisRéférence RIM : M2_43. Cote locale : B_13_3.

l’auant-garde, eust forcé les ennemis dans
leur quartier, & faisant ferme au quatriéme, Monsieur
le Prince suruint, qui commandoit le corps d’armée
composée de ces Regimens de Lorrains & Allemands,
que Monsieur le Duc de Nemours auoient amenez,
qui chargea si rudement les trouppes du Mareschal
d’Hoquincourt, composées de la pluspart de ces Regimens
d’Estrangers, de toutes sortes de Nations qui
auoient escortez le Cardinal Mazarin qu’ils prirent
/> l’espouuante & la fuitte.
 
Monsieur le Duc de Beaufort qui commandoit l’arriere-garde,
& qui estoient à la teste des gens d’armes,
se vint aussi ioindre de l’autre costé, ayans emmené
les Regimens de languedoc de son Altesse Royalle
de Valois, & toutes les trouppes ordinaires de son
Altesse Royalle qui les chargea aussi de son costé si
vertement qu’ils furent obligez de ceder : Si bien
que ledit Courrier qui vit la fin de cette Tragedie,
rapporte qu’il y a d’asseurance trois mille cinq cens
hommes de tuez, dont ces Tartares de Verdets font
vne bonne partie, entre lesquels il y a quatre Majors,
deux Colonels, plusieurs Capitaines, & Lieutenans
& Enseignes, & tout le Regiment de Navaille
défaict sur la place : huict cens prisonniers, &
bien autant de blessez, tout leur bagage pris, quatre
pieces de canon, le carrosse du Mareschal d’Hoquincourt,
ses charrettes, chariots, fourgons, & mesme vne
cassette, qu’il n’eust pas le temps de sauuer, où il y auoit
deux mil Louys d’or, & quatorze mil francs en autre
especes, tous ces coffres en vn mot, on luy a plié