[retour à un affichage normal]

Accueil > recherche > Affichage d'une occurrence en contexte

Mazarinade n° C_1_29

Image de la page

Anonyme [1649], LA CONIVRATION DE LA MAISON D’AVTRICHE, CONTRE LA LIBERTÉ DE L’EVROPE en la derniere élection faite à Ratisbonne le 22. Decembre 1636. Auec les artifices & nullitez de cette eslection en la personne du Roy de Hongrie, Ferdinand, pretendu Roy des Romains. , françaisRéférence RIM : M0_756. Cote locale : C_1_29.


auoir veuës, s’ils les trouuoient justes & raisonnables, ils les leurs
renuoyeroient approuuées & signées de leur main : Mais l’Empereur,
ou plustost l’Espagnol Ognato, le prodige & prototype d’insolence
ennemy iuré de la paix des Chrestiens, qui a allumé les
feux d’vne funeste guerre aux quatre coings de l’Europe, & qui ne
peut estre esteint que par les fleuues de sang, aboyans comme vn
Cerbere, accompagné de ses furies d’Enfer, aux portes de Ratisbonnea
empesché la sortie tant aux aduis que depesches desdits
Deputez, & par crainte & par force, à reudu inutil & sans effect
l’ordre qu’ils deuoient tenir.
 
La sixiéme nullité, le Roy de Hongrie s’est donné à soy-mesme
le suffrage de Roy des Romains, en qualité de Roy de Boëme, qui
est vn des Eslecteurs ; ce qu’il a fait sans aucun droict, attendu
qu’il n’est pas legitime Roy de Boëme, & qu’il n’a iamais esté
esleu, mais le feu Comte Palatin, & qu’il s’est introduit par force
dans ledit Royaume contre les loix de l’Estat, apres auoir fait
mourir auec autant d’iniustice que de barbarie & cruauté, les Seigneurs
& Magistrats, entre les mains desquels les constitutions &
statuts du Royaume establissoient l’Eslection.
La septième nullité est vne fraude & supercherie de l’Empereur,
forgé dans les artifices & trahisons de l’Espagnol, en ce que
la declaration de l’Empereur enuoyé aux Eslecteurs n’estant que
des assemblées pour consulter & déliberer sur vne paix generalle
pour le bien de la Chrestienté ; Il a neantmoins fait tout au
contraire, ayant fait nommer son fils Roy des Romains, afin de
perpetuer la dignité Imperialle en sa maison, à la ruine des Eslecteurs
& des Princes associez à l’Empire. Il est à remarquer que
pour attirer plus finement les Eslecteurs dans le piege de Ratisbonne,
il leur auroit promis auec le pretexte d’vne amnistie generalle
de les remettre dans leurs Estats, & de les faire desdommager
de tant de grandes pertes & ruines, dans lesquelles ils se trouuent
despoüillez, comme des personnes nuës eschapées du naufrage.
La huictieme nullité c’est vne condition absolument necessaire
& essentielle dans la Bulle d’or, en ce qui regarde l’eslection du
Roy des Romains, qu’elle soit libre & sans aucune contrainte :
Neantmoins l’Empereur auoit fait mettre deux mille hommes en