[retour à un affichage normal]

Mazarinade n° D_1_52

Image de la page

Louis (XIV), De Loménie [signé] [1651], DECLARATION DV ROY, CONTRE LES PRINCES DE CONDÉ Conty & Duchesse de Longueuille, les Ducs de Nemours & de la Rochefoucault, & autres leurs adherans qui les ont suiuis. Verifiée en Parlement le 5. Decembre 1651. , françaisRéférence RIM : M0_906. Cote locale : D_1_52.

resolution de s’acquitter des obligations
ausquelles sa naissance & tant de graces
receuës, le pouuoient tenir estroitement
arresté. Mais ce procedé d’honneur & de
prudence, n’a seruy que de moyen de
conduire son pernicieux dessein à sa fin,
& n’a differé que pour prendre l’occasion
de l’executer facilement. Il a enfin quitté
Paris, où il auoit demeuré depuis son
retour de S. Maur, sans nous auoir rendu
aucun deuoir, allant en trouppe par nostre
ville Capitale ; & s’est acheminé en nostre
Prouince de Berry, & de là en Guyenne,
où il a suscité de nouuelles factions &
menées ; mesme à l’endroit des Habitans
de nostre ville de Bourges, dont il auoit
dessein de se rendre Maistre ; & à quoy il
eût pû parueuir, si la diligence dont nous
auons vsé n’y eût apporté le remede. Cette
derniere retraite nous a fait connoistre
plus clairement & ouuertement ses mauuaises
intentions, faisant publier sous son
nom tous les pretextes specieux, desquels
se sont ordinairement seruy ceux qui ont
voulu secoüer le joug d’obeïssance, à laquelle
ils estoient tenus enuers leurs Princes
Souuerains. Il a enuoyé en diuerses
Prouinces de nostre Royaume des Commissions,