[retour à un affichage normal]

Mazarinade n° B_20_28

Image de la page

P. M. L. D. R. [signé] [1651], L’EXACTE RECHERCHE DES DESORDRES que la mauuaise Conduite de Monsieur le Prince a causé dans l’Estat, depuis sa Liberté jusques à sa Retraitte. ET NOTAMMENT TOVS LES maux que son Voyage de Bordeaux, & son Armement nous font dé-ja souffrir; Et ceux qu’il nous fera encores éprouuer, s’il tient la mesme Conduite. , français, latinRéférence RIM : M0_1313. Cote locale : B_20_28.

considere de la maniere qu’elles sont faites, elle
demeure tousiours dans les termes du respect &
de l’obeïssance qu’elle doit à son Souuerain, estant
aussi bien inesbranlable dans le seruice du
Monarque qu’elle est inseparable de celuy de ses
sujets. Et l’on ne peut dire sans errer, qu’il est impossible
d’ambrasser le party des peuples sans desemparer
celuy du Roy, & sans esbranler son authorité
Souueraine ; Parce qu’il est ridicule de ne
pas croire que les interests de sa Majesté, sont
tellement attachez au soulagement de ses sujets,
que tout le bien qu’on leur procure, reuient à son
aduantage, puis qu’vne Monarchie tire toute sa<lb/> puissance, sa richesse & sa subsistance de la force,
du bien, & de l’appuy des peuples, ne pouuant
les destruire en quelque maniere, ny pour quelle
raison que ce soit, sans que l’Estat en reçoiue de
la diminution, leur perte faisant immediatement
celle du Monarque.
 
Cette raison est si constante, que l’experience
en ayant depuis quelques années, donne vne parfaite
connoissance à Monsieur le Prince, il a creu
ne pouuoir pas rendre de meilleurs seruices au
Roy, que par l’attachement qu’il a pris au soulagement
de ses sujets, & à l’expulsion de leur tyran
auec toute sa caballe. Dans ce genereux sentiment,
il a tousiours depuis sa liberté protesté
tant de fidelité pour le repos des premiers, qu’il