[retour à un affichage normal]

Accueil > recherche > Affichage d'une occurrence en contexte

Mazarinade n° A_7_42

Image de la page

Anonyme [1649 [?]], SVITTE DV SILENCE AV BOVT DV DOIGT. , françaisRéférence RIM : M0_3674. Cote locale : A_7_42.


à qui il la laisse faire, si ce n’est a sa bonne maman, pais.
 
Tout le monde ne scait pas les mysteres de la guerre
de Paris : qui en est la source & la cause, & d’où elle
à pris son origine ? la voicy. Le Prince de Condé qui
ne cherche qu’a tout perdre, & à tout brouiller, auoit
gaigné la plus part du Parlement, afin d’oster la Regence
de la Reine & la prendre pour luy : au preiudice
du bon Duc d’Orleans qui souffre tout & n’en dit mot
& apres ce coup hardy, se deffaire de Mazarin. Quelques
vns du Parlement mesme de ceux qui au commẽcemẽt
furent de son party & receurent ses propositiõs,
en aduertirent la Reyne & le Cardinal : de sorte que le
dessein estant descouuert, le Prince de Condé qui enrageoit
de se voir trompé & ioué, resolut de perdre le
Parlement & se venger de ces perfidies qui écoutent
des aduis qu’ils n’executent pas, mais qu’en arriue il
autre chose sinon que le peuple porte la folle enchere
de la tyrannye des Princes, & des lascherez de personne
qui sont assez insollens pour choquer vn Sceptre
qu’il doit respecter & le pis de l’affaire c’est que personne
n’en ose parler, pais.
Le Duc d’Orleans de Prince du sang est deuenu monopoleur,
il n’a plus d’argent ny pour iouer ny pour
faire l’amour, la petite de Guerchy qu’il affectionne
passionnement & qui passe pour la plus jolie Damoiselle
de la Cour ne deure aucunement luy donner rien
que dans l’esperance d’en estre recompencée : & ne pas
faire comme les autres que ce Prince à baisee, & desquelles
il s’est mocqué par apres en effect elle à raison
car comme elle se persuade n’en auoir iamais enfant,