[retour à un affichage normal]

Mazarinade n° B_20_46

Image de la page

Anonyme [1652], LA CONIVRATION ITALIENNE CONTRE LA FRANCE, Par l’introduction des ITALIENS, des ANGLOIS & des SAVOYARDS, Au Conseil DV ROY. Qui sont les effets de la haine que le Cardinal Mazarin porte aux François. , françaisRéférence RIM : M0_758. Cote locale : B_20_46.

colere de son Maistre, & lors qu’il a cõmandement
de retourner il faut qu’il obeysse sans ramener
cette premiere creance qu’il auoit, ny laisser
sa patience ronger lõg temps, ce que son courage
doit deuoir, quoy qu’il se voye precedé pour
ceux qui auparauant eussent tenu à honneur de le
suiure.
 
Il est aussi du deuoir du Ministre d’Estat de ne
point supprimer ny depesche, ny aduis, quelque
preiudice que leur hõneur ou la fortune de leurs
amis en puissent ressentir : car il faut que le Prince
soit informé de tout, & que son seruice emporte
tous les respects & interests particuliers.
La fortune qui esprouua la constance de Sceuola
par le feu, de Eabricius par la pauureté, & de
Rutilius par le bannissement, est ce qui doit tenter
le veritable Ministre par des moyens qui le
fassent maintenir : que si ses ennemis tirent des
fleches contre luy, sont celles qu’elle doit reseruer
pour le defendre : belles parties qui doiuent
esprouuer la fidelité, le cousage, & la constance
d’vn si parfaict Ministre du Prince, sans lesquelles
il ne peut & ne doit aspirer à vne belle
charge.
Iules Cardinal Mazarin n’a point pour cela
quitté l’ambition de paruenir à cette dignité, sans
considerer, qu’estant estranger il ne peut estre
premier Ministre d’Estat d’vn Royaume dont il