[retour à un affichage normal]

Accueil > recherche > Affichage d'une occurrence en contexte

Mazarinade n° B_20_46

Image de la page

Anonyme [1652], LA CONIVRATION ITALIENNE CONTRE LA FRANCE, Par l’introduction des ITALIENS, des ANGLOIS & des SAVOYARDS, Au Conseil DV ROY. Qui sont les effets de la haine que le Cardinal Mazarin porte aux François. , françaisRéférence RIM : M0_758. Cote locale : B_20_46.


& qui font l’homme d’Estat, & sans lesquelles
il ne le peut estre : & de vouloir entreprendre
luy seul ce que les plus illuminez esprits
n’ont osé faire sans en auoir la suffisance & les
parties necessaires. C’est plutost manie ou temerité
que sagesse, de ne sçauoir en vne telle
charge par où doit commencer le trauail d’vn
Ministre. Où a-il estudié cette science Politique,
qui ne s’apprend que dans l’experience, & qui
fait auoir la cognoissance des interests des merites
de tous ceux qui peuuent nuire ou seruir dans
les prouinces ? Combien de temps luy eust-il
fallu pour les cognoistre, puis que iusques alors
il n’auoit appris que le jeu, la fourberie, & les
formes de seduire, de piper & tromper ; qualitez
conuenables à vn Academiste d’Amour, de
jeu, & de Comedies : mais tres-indignes d’vn
Conseiller d’Estat. Comment eust-il pú sçauoir
les inclinations, les alliances, & les correspondances
des voisins de la France, luy estranger
Italien, & qui ny faisoit que naistre, veu que les
naturels & les meilleurs esprits auec leurs veilles,
soins, trauaux, sueurs, & experiences, trauaillent
beaucoup pour estre parfaicts en cette
cognoissance. Et vn ignorant sera si mal-aduisé
que d’aspirer à vne dignité qui couste tant de
temps aux plus grands hommes qui y ont esté
esleus pour s’en acquitter dignement, si pendant