[retour à un affichage normal]

Accueil > recherche > Affichage d'une occurrence en contexte

Mazarinade n° D_2_24

Image de la page

Le Dru, Nicolas [signé] = Laffemas, abbé Laurent de [?] [1649], LETTRE A MONSIEVR LE CARDINAL BVRLESQVE. , françaisRéférence RIM : M0_1813. Cote locale : D_2_24.


LETTRE A MONSIEVR
LE CARDINAL BVRLESQVE.

 
MON Seigneur, Monsieur, ou sieur Iules,
Ie serois des plus ridicules,
Si ientreprenois aujourd’huy
De parler de vous comme autruy ;
Quoy qu’on permette ou qu’on ordonne,
Iules, ie ne suis pas personne
A suiure vn sentiment commun,
Et railler de vous ny d’aucun,
Ie laisse agir la populace
Qui le voudra faire le fasse :
Ie n’en dis mot, car aussi bien
Ce procedé n’est pas Chrestien ;
Et puis cinq-cens lettres escrites,
Qui ne sont rien que des redites,
Ne me laisseroient pas dequoy
Faire quelque chose de moy,
Ie ne ferois, à le bien dire,
Que copier & que transcrire,
Et n’aurois pas de ce costé
La gloire d’auoir inuenté ;
Donc, si ie produit quelque chose
En ces Carmes que ie compose,
Ce n’est que pour me diuertir,
Ou, pour mieux parler, compatir
A tous les maux où nostre France
Se trouue depuis vostre absence,
Car si nous vous tenions icy
Nous aurions nos Iustes aussi.