[retour à un affichage normal]

Mazarinade n° A_9_31

Image de la page

Louis (XIV) de Bourbon [signé] [1650], LETTRE D’AVIS, Ou les sentiments de son Altesse Monseigneur le Prince, à Monsieur le Mareschal de Turennes. , françaisRéférence RIM : M0_1843. Cote locale : A_9_31.

violent & moins capable de gouverner que Germanicus,
on le regretta, & qu’on trouvast son regne
vn siecle d’or, au lieu que celuy de Tibere en
fut vn de fer. Nous ne connoissons (dit le Sage) vn
bien que lors que nous en sommes privez. Paris paroist
tres-mediocre à ceux qui n’ont iamais sorty
enceinte de ses murailles, & quand ils sont privez
de sa veuë, les plus belles conceptions que leur
esprit peut produire leur semblent trop basses à l’égal
de cette Reyne des Citez. Les plus beaux iours
que le Prin-temps s’efforce à produire, nous paroistroient
moins beaux, s’ils n’avoient esté devancez
par vne infinité de gelées, gresles, neiges, pluyes,
vents, frimats, & cent autres calamitez humaines.
Armand qui a voulu faire esclatter apres sa mort les
eminentes qualitez qu’il possedoit, a fait eslire à sa
place vn homme qui en est aussi dépourveu qu’il en
estoit accomply, & nous trouverons que iamais
homme n’a tant fait exalter ses actions apres sa mort,
ny reconnoistre son vtilité par vne voye si claire &
si des avantageuse à son successeur, puis que les ennemis
du defunct, aussi bien que les esclaves du vivant,
advouënt hautement que la capacité de l’vn
égale l’imbecilité de l’autre. Voyla le premier poinct
touchant l’incapacité de Mazarin au gouvernement
de l’Estat, & l’vtilité de son exil.
 
Pour le second, qui traitte de la sacrée personne
du Roy, c’est vn point de tres-grande importance,
& ie tiens trop du Prince pour faire la fonction d’vn
Orateur, toutesfois entreprendray ie à d’escrire l’vtilité