[retour à un affichage normal]

Mazarinade n° B_12_11

Image de la page

Anonyme [1652], LA DECLARATION De Messieurs de Ville, pour le party des Princes, faite en presence de Mademoiselle, & mise entre les mains de Monseigneur le Duc de Beaufort, & signée par huict Colonels, & plusieurs Bourgeois, le 1. Iuillet, 1652. AVEC CE QVI S’EST FAIT ET PASSÉ entre l’Armée des Princes, & des Mazarins. , françaisRéférence RIM : M0_876. Cote locale : B_12_11.

Nemours blessé à la main, de la Rochefoucaut
a eu vn œil emporté le Conte d'Horlac blessé à
mort le Conte de Coigné fort blessé, & du costé
des Mazarins, bien que le nombre des morts &
des blessez que nous ne pouuons pas sçauoir,
tous les Gens de marques qui y sont demeurez,
le Regiment des Gardes de la Marine & les Cheuaux
legers de la Reyne commandés par saint
Maigrin lequel à esté tué, ont esté taillez en pieces
quatorze de leur drappeaux ont esté pris. Le
Mareschal de Turenne a esté blessé, Senneterre
blessé. Cependant que les deux Armées estoient
aux mains, Monseigneur le Duc de Beaufort sortit
à huict heures du matin du Combat & courut
au Luxembourg pour demander du secours à
son Altesse Royale disant par la ville aux Bourgeois
que l’heure estoit venuë pour sortir & qu’ils
ne deuoient pas l’abandonner non plus qu’il ne
les a oit jamais abandonnez. Mademoiselle vint
pareillement au Luxambourg & ayant pris les ordres
de Son Altesse Royale, se transporta auec
le Duc de Beaufort dans la maison de Ville, où
le Mareschal de l’Hospital estoit, ne se trouuant
pas asseuré dans son Logis, cette Heroïne le
print par les cheueux, & vsa de beaucoup de menaces
luy reprochant ses trahisons mesme de ce
qu’il auoit fait donner des ordres par les Messieurs
de Ville contraire a ceux de son Altesse
Royale apres auoir remonstré aux Escheuins &