[retour à un affichage normal]

Mazarinade n° C_7_41

Image de la page

Anonyme [1649], DISCOVRS SVR LE GOVVERNEMENT DE LA REYNE DEPVIS SA REGENCE. , françaisRéférence RIM : M0_1149. Cote locale : C_7_41.

que de blâmer l’innocence des autres. Ie sçay qu’ils
croyent auoir beaucoup de sujet de se plaindre de, ce que
la necessité de la France empesche qu’ils n’ont pas tout
ce qu’ils voudroient pour satisfaire à leurs voluptez ; ils
ne demandent la Paix sur la terre, que pour faire la guerre
au Ciel ; ils veulent que toutes choses leur soient sousmises,
& ne veulent point reconnoistre de puissance, si
ce n’est celle de leurs passions. Si ces personnes jugeoient
des choses par connoissance, ils considereroient que le
Roy Henry le Grand laissa la Reyne sa veufve auec la
Paix dans son Royaume, & beaucoup de milions de liures
dans la Bastille : & que le feu Roy son fils a laissé
nostre Reyne sa veufve sans argent, & auec vne guerre
contre l’Empereur, contre le Roy d’Espagne, & contre
beaucoup de Princes Souuerains leurs alliez : Il est facile
de faire bien des choses quãd on a dequoy les faire ; mais
il est impossible de faire beaucoup de choses auec rien : Il
est bien aysé de discourir & de juger de tout, mais il est
bien difficile d’executer tout ce qu’on se propose. Nous
n’aurions que des Saincts sur la terre, s’il ne faloit parler
que de la Pieté pour estre sauué, beaucoup en parlent, &
beaucoup ont enuie d’aller au Ciel ; mais quand il faut
executer ponctuellement les loix que Dieu nous a prescriptes,
c’est où l��on fait bien voir la foiblesse de son
ame. Ie sçay que les Esprits qui trouuent à redire à toutes
choses, me répondront que cette Princesse a leué
beaucoup d’argent sur ses Subjets ; mais où voudroient
ils qu’elle en eust pris pour les defendre ? n’a t’elle pas entretenu
de puissantes armées en France, & fait donner