[retour à un affichage normal]

Accueil > recherche > Affichage d'une occurrence en contexte

Mazarinade n° B_14_7

Image de la page

M. B. I. V. D. R. D. L. P. P. T. [1652], PRESAGES DE CHANGEMENT EN LA MONARCHIE DES FRANÇOIS Par M. B. I. V. D. R. D. L. P. P. T. , français, latinRéférence RIM : M0_2859. Cote locale : B_14_7.



Mais auant cette precaution, ie remarque vn incroyable
aggrandissement du Roy de France, si les predictions
de Nostradamus meritent d’estre obseruée en
la centiesme Centurie.
 
Quand le fourcheu sera soustenu des deux paux,
Auec six demy cors, & six sixeaux ouuerts,
Le tres-puissant Seigneur, heritier des crapaux,
Alors subiuguera sous soy tout l’Vniuers.
 
MCcccccxxxxxx. Car qui ne void que la lettre M.
est de noter au premier vers pour mil, & que les six
cors sont les six lettres C. qui sont autant de centaines,
& pareillement les six cizeaux ouuerts font cent dix,
partant que le tout denote 1660.
Et ce qui doit donner plus de poids à cette Centurie
est la remarque que fait Cardan, lors qu’il dit que
depuis 1689. iusques à 1782. auant le milieu commencera
/> vne Monarchie : tellement que toutes choses
seront gouuernées par vn seul. Or les années qui sont
depuis 1589. iusques à 1782. font 193. prend la moitié,
& tu auras 96. aduance cette moitie de 20. ans en les
tirant hors de 96. resteront 76. Adiouste 76. audit
nombre 1589. & tu auras iustement les années de ladite
Centurie, que le Roy qui porte les crapaux en ses Armes,
à present changées en trois Fleurs de lis, est le
Roy de France, qui subiuguera l’vniuers.
Certainement l’esperance est sort mal fondée, si le
Ciel ne change ; Il semble que ce bon Genie de la
France a fait escrit aux Remedes des mal-heurs de l’Estat
de la France imprimez depuis vn an, ce que nostre ieusne
Monarque auoit commencé heureusement à pratiquer,
puis qu’il auoit abandonné le Conseil des ieusnes,
& inhumains estrangers plus heureusement que
le mal-heureux Roboan. Il est vray que la visité qui
la fait de ses Prouinces pour les pacifier parmy les injures
des fascheuses saisons le tiroit bien loin de la faineantise
& delicatesse racine des faux plaisirs & voluptez
desordonnées plus pernicieuses aux Princes, que