[retour à un affichage normal]

Accueil > recherche > Affichage d'une occurrence en contexte

Mazarinade n° B_13_53

Image de la page

Anonyme [1652], LA DEFFAITE DES TROVPPES MAZARINES DEVANT LE CHASTEAV DE MOVRON, Par Monsieur le Marquis de Persan. Où il y a eu huict cens homes tuez sur la place, qui estoient commandée par le Comte de Paluau, & leur Retraicte dans la Ville basse de Sainct Amant. , françaisRéférence RIM : M0_979. Cote locale : B_13_53.


par l’emprisonnement dudit sieur Prince,
de Messieurs le Prince de Conty, & Duc
de Longueville, mais encores il c’est hazardé
à vouloir & pouuoir destruire les
Maisons qu’il a sceu appartenir a Monsieur
le Prince dans le Royaume, & particulierement
au Chasteau de Monrond qui
est de ses propres, dans lequel Monsieur le
Marquis de Persan est Gouuerneur, commande
auec neuf-vingt hommes, lequel
Chasteau quoy que inuesty depuis vn an,
par le Comte de Paluau, attaché fortement
aux interests dudit Mazarin : mais
encores aux fiens propres, soit par les
Contributions qu’il leue & employe à
son proffit par toute les Prouinces du
Berry, Bourbonnois & Niuernois, que
par les vexations qu’il fait dans lesdites
dans lesdites Prouinces, qu’il y a lieu de
dire qu’il n’y a pas d’apparance de Siege
deuant cette Place, tant par la Forteresse
d’icelle que par les Generositez dudit
sieur de Persan, & des personnes qui sont
auec luy gens de condition, lesquels par
son Ordre & commandement, le huictiesme
de ce Mois de Iuillet firent vne