[retour à un affichage normal]

Mazarinade n° B_8_57

Image de la page

Anonyme [1652], LA FAVSSE LETTRE PORTÉE AV DVC DE LORRAINE PAR VN Mazarin : Et renuoyée à son A. R. par le mesme Duc de Lorraine. , françaisRéférence RIM : M0_1374. Cote locale : B_8_57.

Duc de Lorraine, comme le Cardinal Mazarin
auoit contre-fait son seing qu’il estoit fasché de
cette surprise & qu’il le supplioit de faire marcher
son Armée à grandes journées, afin d’opposer
aux ruses de ses ennemis, la generosité & la
valeur. Son Altesse Royalle, fut contrainte
de se seruir de ce Messager, pour faire tenir
auec plus de seuretté ses depesches au Duc de
Lorraine, les ennemis ayant occupé les passages
obseruent tout ce qui sort, & entre dans Paris &
ledit Gautier n’a passé qu’estans deguisé.
 
Cette Lettre ayant esté mise entte les mains
du Duc de Lorraine a desabusé ce Prince, lequel
a fait marcher son Armée auec vne telle diligence
quelle doit estre jointe en deux iours à celle
des Princes, & on a desia preparé dans le Luxembourg,
vn appartement pour receuoir sa ditte
Altesse de Lorraine, que son Altesse Royalle
attend auec impatience.
Apres que cette ruse a esté descouuerte & que
le Cardinal Mazarin & ceux de son party, ont
iugé que l’Armée du Duc de Lorraine approchoit,
il fut resolu de luy aller au deuant & se sont
seruis d’vn stratageme de guerre, qui tient de la
trahizon & par consequent de la lachetté bien
qu’elle ne leur ait beaucoup profité Croyant
donc de surprendre vne partie de l’Armée des
Princes postée à Estampes, le Mareschal de Turennes