[retour à un affichage normal]

Accueil > recherche > Affichage d'une occurrence en contexte

Mazarinade n° A_3_56

Image de la page

Anonyme [1649 [?]], LA FRANCE DESOLEE AVX PIEDS DV ROY. Où le Gouuernement Tyrannique de Mazarin est succinctement descrit. , français, latinRéférence RIM : M0_1423. Cote locale : A_3_56.


comme il a fait, l’esprit de la Reine & des Princes qu’il approche.
Car s’il n’y auoit quelque chose de diabolique, il seroit impossible
qu’il eust si long-temps duré ; estant ignorant, mal habile,
lasche, auaricieux & imprudent comme il est. Mais sur tout ie
m’en estonne, lors que ie considere qu’il n’a iamais rien fait qui
soit tant soit peu considerable, & que ses conseils ny sa conduitte
n’ont produit aucune chose dont la Reine puisse tirer aucune
loüange : au contraire les siecles à venir s’estonneront qu’on l’ait
souffert si long-temps, & que cette illustre Princesse n’ait esté la
premiere à le faire chastier, non seulement de ses voleries excessiues,
& trop apparentes, mais aussi des choses qu’il luy a conseillées
de faire, & qui ont si mal reüssi à sa gloire ; Et de ce que sa Majesté
portant la peine & le blasme de la continuation de la guerre, & des
excessiues impositions qu’on a redoublé sur les peuples, n’en est pas
tant aymée ny respectée, comme elle estoit au commencement de
sa Regence.
 
Que si sa Majesté faisoit quelquefois reflexion sur toutes ces
choses, & qu’elle y songeast vn peu comme il seroit necessaire ; Elle
verroit quel preiudice luy apporte la confiance qu’elle a en ce
traistre, & elle connoistroit assez facilement qu’il est la seule cause
que cette Paix tant souhaittée, & si necessaire à toute la Chrestienté,
ne se fait point sous sa Regence ; & qu’enfin si cela continuë,
il luy ostera la gloire d’estre l’Architecte, & l’Arbitre de ce
diuin ouurage, qui seroit l’acheuement & la perfection de la statuë
de sa Majesté.
Que si l’on considere sans passion, & auec les purs & les veritables
mouuemens, que doiuent auoir les Chrestiens & les vrais François,
il n’y a personne d’entr’eux qui ne confesse que ce méchant Estranger
s’est depuis long-temps acquis par ses actions le tiltre infame
d’vn Tyran cruel, plustost que celuy d’vn sage & fidele Ministre ;
Et il est assez facile de le iuger par les antitheses & par les contraires
opposez de l’vn & de l’autre. Vn bon Ministre ayme le bien &
la gloire du Prince & de l’Estat qui l’ont esleué au maniment des
principales affaires ; celuy-cy n’a aimé le bien & la gloire de l’vn &
de l’autre, que pour le leur rauir & pour se l’approprier ; Le bon
Ministre tasche de procurer la paix, & celuy-cy l’a esloignée & a
tousiours fomenté la guerre ; Le bon Ministre trauaille incessamment
au soulagement, au repos, & à la felicité des peuples qui luy
sont commis, celuy-cy au contraire l’a ruiné & accablé par mille