[retour à un affichage normal]

Mazarinade n° B_5_34

Image de la page

Anonyme [1652], LA GENEREVSE RESOLVTION DE SON ALTESSE ROYALE DANS LA DERNIERE ASSEMBLÉE DV PARLEMENT: Par laquelle on peut connoistre tres-asseurement le desir qu’il a de donner la Paix Generalle, & le repos à toute la France. , françaisRéférence RIM : M0_1479. Cote locale : B_5_34.

vous dédire par vn Arrest contradictoire à celuy
que vous auez donné si juridiquement, n’auez vous
pas declaré le Cardinal Mazarin ennemy de l’Estat,
perturbateur du repos public, & la cause de tous les
desordres qui sont à present en France, n’auez vous
pas mis sa teste à cinquante mille écus, & n’auez
vous pas ordonné qu’il soit poursuiuy par toutes
sortes de voyes, tant ordinaires qu’extra ordinaires, à
fin de trouuer dãs sa ruyne le repos de cét Estat ; c’est à
quoy sont employées ces troupes, que quelques vns
d’entre vous veulent empécher d’entrer en France, je
dis quelques-vns ; car je sçay bien que la meilleure
partie de cette Assemblée est bien éloignée de ce sentiment,
si hors de temps & de raison ; outre qu’il y
va de la gloire de cette Compagnie de maintenir
constamment, & auec vne fermeté inebranlable
l’Arrest le plus juste qui fut jamais, qui a esté
donné tout d’vne voix en cette Cour, & receu
par l’approbation generale de tous les ordres du
Royaume. Ie ne pense pas Messieurs qu’il y ait
personne qui se repente icy d’auoir seruy l’Estat,
& si fort obligé le public, & c’est sur cette creance
que i’ay de vous tous qu’il me semble
qu’il est tout à fait inutile de poursuiure
vne telle deliberation, car il seroit honteux de
deliberer sur vn suiet dont on a desia vne decision
si authentique, il faut chasser le Mazarin, Messieurs
vous auez fait voir par Arrest qu’il n’y auoit