[retour à un affichage normal]

Mazarinade n° B_13_68

Image de la page

Anonyme [1652], LA GVERRE DECLARÉE PAR SON ALTESSE ROYALLE ET MESSIEVRS LES PRINCES, AV CARDINAL MAZARIN, ET SES ADHERANS ; En vertu des Declarations & Arrests du Parlement. , françaisRéférence RIM : M0_1527. Cote locale : B_13_68.

permettre que j’empesche tous ses obstacles &
& lors ie vous feray voir que ie suis plus François
que Lorrain, & ainsi nous aurons la Paix.
 
6. N’est-il pas permis de se saisir du Roy, dans
de telles occurences, pourueu que la conseruation
de sa personne soit le premier motif, nul ne
peut empescher (si vous me voulez croire)
que nous ne luy tendions vne Chaisne d’honneur,
afin qu’estant tombé entre nos mains,
nous les portions sur son Trosne que les Ennemis
des Royaumes luy veulent spolier, à qui
tiendra-il, Monseigneur, si nous ne d’estruisons
cet Hydre, lequel c’est bien osé vanter de d’estruire
& consommer vne petite ville ; laquelle ne luy
a iamais fait aucun mal : Mais il ne sçay pas que
c’est vn mecanique lieu qui rend à neant les
grand hommes, & les fait semblables au foin qui
croit dans ces Prairies, pour moy ie vous proteste,
que ie ne suis venu que pour mettre le repos dans
la France, qu’il faut que Mazarin perisse ou moy,
que j’accompagne le Roy dans son Paris, que ie le
reuoye establir sur son Trosne, & parce moyen,
que ie me trouue en seureté aupres de luy. Or
ne doutez point que nous n’ayons assez de forces
pour resister & empescher que Mazarin ne deuore
ce morceau. Tauannes est prest de le deffendre,
& Clinchampt, n’est pas propre de luy ceder,
vous connoissez, Monseigneur, ces deux
courages ; & ie vous puis asseurer que i’en ay dans