Mazarinade n° A_3_76
Image de la page
Anonyme [1649], LA GVYENNE AVX PIEDS DV ROY, QVI SE PLAINT DE SES ENFANS,
ET
QVI DEMANDE A SA MAIESTÉ
la continuation de la Paix interrompuë. Discours Moral & Politique, qui monstre l’obeyssance que l’on doit aux Roys, & l’obligation à quoy leurs Majestez sont engagées d’aimer, & de conseruer leurs Peuples, dont ils sont les Protecteurs, & les Peres. , françaisRéférence RIM : M0_1536. Cote locale : A_3_76.
& reduis les Royaumes en cendre ! Tempeste inexorable,
en laquelle on iette en la mer tout ce qui est de
plus beau, & de plus riche dans le vaisseau, pour resister
à la furie des vents impetueux, & le guarentir de
naufrage. Ainsi les Roys & les Princes souuerains, pressez
par la necessité qui dõne la loy, & n’en reçoit point,
afin que le corps de leur Estat subsiste, sont contrains
de tolerer, de permettre, & de faire beaucoup de choses,
qui autrement sembleroient moins iustes & raisonnables.
Quel plus violent rauage ? Quel feu plus vehement,
& quel naufrage plus dangereux, m’ont iamais
menacée, que ceux que ie voy auiourd’huy preparez
pour me renuerser, pour me consommer, & pour
me perdre ? Ie voy les membres d’vn mesme corps se
deschirer perpetuellement à la ruine commune du
tout, ie voy l’œil gauche qui emprunte la main qui est
son costé pour creuer le droit, sans considerer que le
mal de l’vn est le mal de l’autre.
Certes il faut que ie confesse, que ie me trouue en
vne estrange malice de siecle, en vne detestable corruptiõ
de mœurs, & en vne furieuse intemperie d’esprits !
Ha ! ie voy bien que l’impieté est vn violent poison, capable
de gaster en vn moment, non pas seulement la
Guyenne, mais les Royaumes tous entiers. C’est elle,
cette furie infernalle, qui a mis entre les François, le
nom & l’honneur de Dieu en vn tel mépris, (sous lequel
toutefois tremblent les Anges, les Diables fremissent,
les Cieux s’abbaissent, & les Enfers s’épouuentent)
que ie puis dire qu’elle est montée au comble de
son iniquité. Il n’est auiourd’huy parfum que du vice,
la Vertu put, & son contraire est vne rose. C’est de ce
mépris que sont sortis ces furieux, ces enragez, & ces
maniaques, qui mettent le feu dans leur propre maison,
semblables au flambeau de celuy qui brûla le
Temple de Diane en Ephese, comparables à Pâris, qui
fut la torche qui brûla Troye, & égaux à ces miserables
Image de la page