[retour à un affichage normal]

Mazarinade n° A_4_19

Image de la page

Anonyme [1649], LA HARANGVE DES PROVINCIAVX FAITE A LA REINE POVR LE PROCHAIN retour du ROY en sa bonne ville de Paris. , françaisRéférence RIM : M0_1557. Cote locale : A_4_19.

l’Espagne se portent, donne à l’Espagne vn certain, & ie ne
sçay quel droit de guerre contre la France, & quand nous
considerons que ces Generaux nous enleuent si facillement
des conquestes qui nous ont cousté tant de sang, tant d’argẽt,
& tant de peine, encores ne voyons nous pas qu’ils nous
reprennent autre chose que ce que nous leur auions desia
pris ; & tout au pis aller qu’ils nous rendent autre chose que
que mal pour mal. Mais quand nous voyons que la France
ce combat elle mesme : Que plus cruelle que ces ennemis
qui ne la blessent que dans les extremitez du corps, elle dechire
de ces propres mains ces propres entrailles : Certes
nous ne pouuons ny comprendre ny supporter vne telle fureur
sans nous en plaindre, & sans essayer à la diuertir.
 
Si ces lieux desolez, MADAME, ou la rage & la fureur
ont passé pouuoient se presenter à vous en l’estat qu’ils sont,
vn spectacle si pitoyable vous feroit sans doute pleurer de
compassion. Ces trouppes que vous payez pour vous seruir
sont les cruelles furies qui desolent tout ce Royaume ; elles
ont dans toutes les Prouinces ruiné si pitoyablement les habitans,
qu’outre la dépoüille de tous leurs biens leurs personnes
n’ont pas mesme demeuré toutes entieres. En passans
dãs les lieux habitez elles en ont fait des deserts. La Frãce en
mil endroits n’est plus rien qu’vne solitude. Ce sont les traitemens
qu’ont fait les François aux François inhumains &
cruels, certes si l’on veut bien examiner ce peu de paroles qui
les represente. Ie ne vous dis point ceux-là des Estrangers, ie
ne sçaurois vous representer la moitié de leurs barbaries.
On a tiré des plus obscures forests d’Allemagnes, des animaux
farouches & insociables, qui ont traitté en tygres vos
pauures subiets. Ils ont pillé, violé, bruslé & tué, mais ils ont
fait encores pis que toutes ces choses : En faisant souffrir à
leurs miserables hostes des rages, & inuentans pour les martyrer
des tourmens que les crimes les pus noirs n’auroient
pas mesmes merités.
Si vous auiez sceu toutes ces choses, MADAME, &
que vous n’en eussiez pas fait la vengeance, il seroit bien à