[retour à un affichage normal]

Accueil > recherche > Affichage d'une occurrence en contexte

Mazarinade n° C_5_40

Image de la page

Anonyme [1649], LA HARANGVE DES PROVINCIAVX FAITE A LA REINE POVR LE PROCHAIN retour du ROY en sa bonne ville de Paris. , françaisRéférence RIM : M0_1557. Cote locale : C_5_40.


& nostre vais au courir plus que iamais le risque du naufrage.
En cette grande extremité grãde, THETIS, nous ne pouuons
faire autre chose que crier apres vous & forcer vostre
clemence à ne nous pas refuser le secours qu’elle nous peut
donner. Randez nous le cher & le precieux ALCION,
qui tout seul doit calmer les flots agitez & reduire en bonnasse
les furieux mouuemens de la tempeste. Randez-nous
nostre ROY, grande Reine, ramenez-le sur le plus haut
Theatre de son Royaume, afin qu’il puisse estre veu de par
tout, & que par de doux & de fauorables regards il porte
l’esperance & la vie, où ne regne que la fureur, la rage & la
mort. Vous n’ignorez pas, MADAME, que s’il est vostre
fils, il est aussi nostre Prince, & que nous en deuons
ioüir comme vous. Quelque droit que vous donne aujourd’huy
la nature, vous ne l’auez pû enfanter pour vos seulles
delices. Dans la condition où vous estes l’vn & l’autre,
vous ne pouuez ioüir du priuilege des particuliers, parce
que vous en possedez de plus grands. Il ne vous est point
permis de tenir seule vostre fils entre vos bras, qu’il ne nous
soit aussi permis d’estre à ces genoux. Nous ne pouuons
estre à ces genoux qu’il ne soit assis dans son Trosne, & son
Trosne est à Paris : Tous autres lieux sont indignes de la
Majesté Royale & ne peuuent respondre à sa splendeur ny
à sa Majesté. Ils l’auoüent auec nous, MADAME, &
sont assez genereux pour ceder cét honneur à ce superbe
recueil de l’Vniuers, & en le luy cedant, ils demandent auec
nous ce que nous vous mandons. On treuue étrange que
nostre Monarque soit nourry dans des sollitudes, il n’apprendra
pas son deuoir parmy des arbres & des rochers, &
ce ne sont point des animaux farouches qu’il doit gouuerner.
 
Nous sçauons bien, MADAME, qu’en quelque lieu
qu’il soit vous estes auec luy, qu’il reçoit des instructions d’vne
si sage mere, les doctes leçons dont son ieune esprit s’enrichist
tous les iours. Mais, MADAME, le gouuernement,
n’est point theorique, ce n’est rien que de lire & que