[retour à un affichage normal]

Accueil > recherche > Affichage d'une occurrence en contexte

Mazarinade n° C_5_39

Image de la page

Anonyme [1649], LA HARANGVE DV COVRIER EXTRAORDINAIRE ENVOYEE PAR N. S. P. LE PAPE à la Reine Regente. , françaisRéférence RIM : M0_1558. Cote locale : C_5_39.


qu’il sufisoit de regner, ou par la force ou par la
puissance. Mais souuenés vous, s’il vous plaist,
MADAME, que ceux qui tiennent les autres
à la chaisne sont bien souuent les plus captifs,
d’autant que la crainte d’vne rebellion leur oste
la liberté ; & si vous experimentés maintenant
cette verité, sçachés s’il vous plaist que vos sujets
apres auoir perdu tous leurs biens n’ont pû
souffrir qu’on leur aye voulu rauir ce pretieux
gage, qu’ils tiẽnent par participation de la Diuinité ;
D’ou nous pouuons conclure que les precipités
sentimens de vos turbulans Ministres causent
presentement vn dommage plus cruel dans
vostre Royaume, qu’vne contagion eschaufée,
puis qu’il n’y a pas vne seule personne qui ne soit
dangereusement alterée. Vostre Majesté mesme,
s’il m’est permis de le dire, se trouue contrainte
dãs cette occasion d’imiter ceux qui cueillẽt les
fruits auant que d’estre meurs, puis qu’elle est
priuée du succés fauorable qu’elle esperoit de ses
entreprises. Ou ie vous prie de considerer que
ces foibles esprits ont là de tres mauuaises productions
pour s’estre trop hastés ; puis qu’au
lieu d’vne heureuse fecondité, tout leur dessein
ne se terminera qu’à des auortons, & à vn effort
inutile. Toute la France deplore, MADAME,
que vous vous y trouuiés par vne bonté sans esgalle
insensiblement engagée ; & que cette generosité