[retour à un affichage normal]

Accueil > recherche > Affichage d'une occurrence en contexte

Mazarinade n° C_5_73

Image de la page

Anonyme [1649], LA IVSTIFICATION DV PARLEMENT ET DE LA VILLE DE PARIS DANS LA PRISE DES ARMES ; CONTRE L’OPPRESSION & Tyrannie du Cardinal Mazarin. , françaisRéférence RIM : M0_1796. Cote locale : C_5_73.


iniustement outragée, ne peut estre blasmée auec
raison, mesmes des plus malicieux esprits & des plus
interessez à la fortune du Cardinal Mazarin, par ce que
l’on ne sçauroit legitimement & auec sujet accuser le Parlement
& la ville de Paris d’auoir manqué de respect & de deuoir
enuers leurs Majestez, ny d’auoir blessé en quelque sorte
& maniere que ce soit l’authorité Royale dans tout leur
procedé & conduite en ses dernieres affaires, puis que pour
ce qui est du Parlement, tant s’en faut qu’il ayt fait autre
chose que ce que les Loix du Royaume luy ont permis &
qu’il a deub faire pour l’honneur de leur charge & acquit de
leur conscience, qu’au contraire, le Roy dans sa majorité &
ceux qui luy doiuent succeder peuuent vn iour luy reprocher
de n’auoir pas monstré assez de vigueur, & de generosité à
s’opposer aux leuées excessiues de deniers faites depuis la
guerre, soubs le pretexte des despences necessaires pour la
supporter, & de n’auoir pas empesché comme il pouuoit
vne si prodigieuse dissipation de Finances, puisqu’il est notoire
que par vn bon mesnage auec la moitié des deniers qui
ont esté leuez sur le peuple, on pouuoit entretenir la guerre
& satisfaire à toutes les charges du Royaume, & pour ce
qui est de la ville de Paris sa conduite dans les mouuemens
populaires, s’est trouuée si legitime & si aduantageuse au
bien du seruice du Roy, qu’elle a merité des remercimens
de la propre bouche de la Reyne, deffence dautant plus legitime,
qu’outre les raisons qu’elle a de sa necessité, elle est
specialement entreprise pour se garentir de la tyrannie dans
laquelle le Cardinal Mazarin pour assouuir sa cupidité &
contenter son ambitiõ veut reduite tout le Royaume, en opprimãt
la liberté publique auec les forces du Roy, de laquelle
les Romains & toutes les peuples de la terre ont esté si jaloux
que pour conseruer vn bien qui leur a esté si cher & si
precieux, ils n’ont espargné ny leur biens ny leur vie, qu’ils
ont tousiours hazardé librement & courageusement pour la
défendre, mais sur toutes les nations les François, cét ancien
peuple d’Allemagne, ont esté amateurs de leur liberté, car