[retour à un affichage normal]

Accueil > recherche > Affichage d'une occurrence en contexte

Mazarinade n° A_6_5

Image de la page

Anonyme [1649], LA MANNE CELESTE, OV L’HEVREVSE ARRIVEE du premier Conuoy de Viures à Paris: AVEC LA GENEREVSE SORTIE DES PARISIENS. , françaisRéférence RIM : M0_2405. Cote locale : A_6_5.


auprés de Vitry, distant d’vne lieüe & demie de Paris, que les
Cardinalistes estoient campez sur son passage, tesmoignans
à ce coup-là, plus resolument que iamais, d’enleuer son Conuoy,
ou par vn combat de deffaire ses Trouppes.
 
Ce prudent & vigilant Capitaine ne voulant pas perir au
port, ny faire naufrage où il auoit ancré toute l’esperance
de son salut, tint Conseil de guerre, pour aduiser aux moyens
de se garantir de l’entreprise des Ennemis, de conseruer sa
victoire, & la rendre aussi fameuse par vn acte de prudence
& de conduite, qu’il la pourroit rendre celebre par vn combat
opiniastré.
Puis que son principal dessein estoit plustost de rendre le
Conuoy en seureté à Paris, que de chercher les occasions de
combatre les Ennemis, qu’il n’estoit point obligé de choquer
qu’en cas qu’ils voulussent faire effort de luy oster d’entre les
mains vn secours d’alimens qu’il vouloit faire entrer en cette
Ville affligée, il arresta de ne rien hazarder, & de ne continuer
plus sa marche, qu’il n’eust esté renforcé par les forces
Parisiennes qu’il enuoya conuier de venir à sa defense.
Iamais on ne vid vn armement plus prompt ny plus precipité,
ny des courages mieux disposez à secourir leur Patrie,
que les Parisiens le furent en cette pressante occasion, où ils
furent aussi franchement à la guerre, que s’ils eussent esté à
vn Triomphe.
En vn instant l’on vid toutes les rues peuplées de gens armez,
qui la pluspart sans tambours & sans trompettes ne laisserent
pas de sortir de la Ville, pour aller où leur deuoir &
leur courage les obligeoient à se rendre. A ce nom du Duc
de Beaufort, vn chacun fit gloire d’aller le secourir ; & les
Mazarinistes non moins déplaisans qu’estonnez, de voir en
si peu de temps vn concours de monde si grand & si disposé
à leur bien tailler de l’ouurage, furent tout heureux de lascher
le pied, & de n’attendre point cet orage à creuer contre
eux, preuoyant bien qu’il ne pouuoit moins faire que de trauailler
à leur entiere ruine.