[retour à un affichage normal]

Accueil > recherche > Affichage d'une occurrence en contexte

Mazarinade n° A_6_31

Image de la page

Anonyme [1649], LA MICARESME DES HARANGERES, Ou leur entretien sur les affaires de l’Estat. , françaisRéférence RIM : M0_2466. Cote locale : A_6_31.


celuy-là qui nous fait le plus de maux.
 
Dame Nicole. On dit qu’il n’en fait rien qu’à cause de
la Reine & de Monsieur le Duc d’Orleans.
Dame Pacquette. Cependant il a des-ia bien fait casser
des testes & i’auons perdu de bons hommes, noutre
Monsieur de Clanleu & le Duc de Rohan ; & luy il a
perdu le Duc de Chastillon, qui estoit on braue
homme, & i’auons pris son Comte de Granséy ce diable
qui ne tint pas sa parolle à Brie.
Dame Georgette. Ah que i’auons de braues gens, que
noutes Generaux d’armée, Dieu les conserue.
Dame Paquette. Ma foy ouy, ils sont de braues gens,
noutre petit Monsieur le Prince de Conty, on dit
qu’il fait des merueilles dans le Parlement & dans la
Maison de ville.
Dame Nicole. Son biau frere est aussi vn braue homme,
on dit qu’il nous enuoit bien des gens de Normandie,
qui sont de bons soudarts.
Dame Pacquette. I’auons aussi de braues hommes que
Monsieur d’Elheuf & tous ses enfans, on dit qu’ils
sont tretous bien affectionnez pre nous, Dieu les
benisse.
Dame Nicole. Et noutre bon Monsieur de Beaufort,
n’est-il pas braue homme.
Dame Georgette. Ma foy alest vn braue homme, i’esperons
que luy & Monsieur de Boüillon, & Monsieur
de la Mothe feront des merueilles, comme ils ont
tousiours fait.