[retour à un affichage normal]

Mazarinade n° B_13_37

Image de la page

Anonyme [1652], LA MORT DV CARDINAL MAZARIN, PREDIT PAR LES TROVPPES DV DVC DE LORRAINE. AVEC LA RETRAITTE DE LA REYNE AV BOVRG DE CHILLY. Ensemble la Lettre du Duc de Lorraine escrite au Comte de Tauannes, sur ses approches d’Estampes. , françaisRéférence RIM : M0_2494. Cote locale : B_13_37.

porté à nos deffensseurs de Tauannes & de Clinchampt
peu apres la trahison dont ie vous ay escrit
se fit paroistre ; & nonobstant toutes ses choses ;
Dieu est pour nous ; Et voicy comment ; nous
desesperions de nos forces, & comme quoy nous
pourrions resister à vne armée Royalle, où le Roy
mesme estoit : Nous balancions ; & ne sçauions
de quel costé nous ranger ; On tint Conseil pour
cet effet ; mais les Conseillers trembloient plustost
que les soldats & les Habitans. Ce que
voyans nos deux Generaux de Tauannes & de
Clinchampt, firent dire au peuple par l’vn de
leurs Secretaires : ces paroles : Messieurs : Que craignez-vous ?
Il n’y a que deux iours que vous voyez les
ennemis deuant vos portes & vous fremissez, Ou est
cette ardeur qui paroissoit cy deuant sur vos visages ?
Et quoy aymez vous mieux estre esclaues de Mazarin
que de soustenir vostre Roy legitime : Les Princes
mettent leur sang pour deffendre son party, & vostre
iuste cause : Ils ne veulent espargner leurs vies pour ce
suies non plus que les vostres. Aimez-vous mieux subir
sous la tyrannie que sous les loix d’vne agreable &
durable Paix.
 
Ces paroles emflammerent tellement les cœurs,
qu’ils mouroient d’enuie de se vanger de leurs ennemis.
Et sçachez que le secours diuin vient lors
que l’on n’y pense pas ; la preuue en est tres-veritable ?
car apres l’ececution faite de nos traistres ;