[retour à un affichage normal]

Accueil > recherche > Affichage d'une occurrence en contexte

Mazarinade n° C_6_24

Image de la page

Anonyme [1649], LA MORT EFFROYABLE D’VN BOVLANGER impitoyable de cette Ville. , français, latinRéférence RIM : M0_2495. Cote locale : C_6_24.


vostre prochain & de mener vostre trafic
doucement auec charité, poussez d’auarice,
vous cachez vostre pain, & rançonnez le
pauure peuple, vous seruant d’vne mauuaise
occasion. C’est vn de vos conferes qui sera le
suiet de cette histoire, ayant senty la main de
Dieu pour auoir esté impitoyable à l’endroit
d’vne pauure femme. Ie tairay neantmoins
son nom & son cartier, pour ne scandaliser
personne. Il me suffit que six personnes dignes
de foy & sans reproche ont esté tesmoins
oculaires, comme moy, de cette presente
histoire. Voicy comment ; deux mois
s’estants escoulez apres le bloquement de
cette ville de Paris, vne pauure femme alla à
la boutique d’vn Boulanger pour auoir du
pain, elle luy dit auec douceur, Monsieur
ie vous prie vendez-moy du pain. ce Boulanger
luy respondit il n’y en a point, quoy
qu’il en eut. Cette pauure femme luy dit derechef,
hé ie vous prie ayez pitié de moy, i’ay
cinq petits enfans qui crient apres du pain ;
i’ay par couru trois ou quatre Faux-bourgs
sans en pouuoir auoir, ie n’en puis plus, voila
de l’argẽt. Ce Boulãger la poussant, & disãt