[retour à un affichage normal]

Mazarinade n° A_6_42

Image de la page

Anonyme [1649], LA NOMPAREILLE DV TEMPS, OV LA PROSOPOPEE DE THEMIS, Et la Fortune plaidant le procez de Mazarin. , françaisRéférence RIM : M0_2532. Cote locale : A_6_42.

part, que tous ces habits de luxe ; ce brillant de perles & de diamans ;
ces demarches majestueuses que i’apperçois en luy, ne s’acordent
pas à la condition d’vn miserable : Cet éclat & cet ajancement
d’vne teste parfumée, n’a point de proportion à vne teste qui
doit perdre auec la liberté l’vnion de son corps. Ces yeux d’vn air
si riant & si vif ; ce vermeillon mis & couché auec tant d’artifice,
n’est pas bien seant sur le visage d’vn criminel, qu’il preuue le deüil
dans ce rencontre fatal, & qu’il rende au moins le sentiment lugubre
de la decadence de son ministere, & de la mort de laquelle en
bref ie veux le punir.
 
La fortune poursuiuant la defense de son Client, replique
ces mots.
Taisez-vous, Themis, ne deuez-vous pas sçauoir, que de
s’attaquer au seruiteur, c’est offencer le maistre, & entreprendre
Pretendez-vous auiourd’huy reformer le meilleur Politique
de l’Vniuers` ? Comment osez-vous attaquer vne Eminence
si noble ? Ne vous semble elle point esleuée à vn trop haut point
d’honneur, pour estre captiuée sous vos loix ? L’exemple de tant
de Princes qui ont esté punis, pour en auoir voulu cognoistre, ne
vous sont-il point des moyens assez efficaces pour vous en empescher ?
Auez-vous oublié l’emprisonnement de M. de Broussel
auec plusieurs autres, & aussi l’empoisonnement du sieur President ?
Barillon ? Ne voyez-vous point ce grand Ministre estre appuyé
de l’authorité Royale, des Princes & du Conseil ? C’est pourquoy
ie vous prie de r’entrer en vous, & puisque vous Presidés à la
Iustice, n’agissez point iniustement auec le plus iuste des hommes :
Vous n’ignorés point, que c’est luy qui (ordine in verso) a si bien
ordonné les affaires du Roy ? N’admirez-vous pas son soin à faire
bien valoir les finances ? Ses conseils, pour faire bien payer les reuenus
de sa Majesté ? N’auez-vous point entendu tant de sentences
prononcés pour cet effet ? Les bons Intendans qu’ils a mis
dans toutes les Prouinces, pour rendre justice à vn chacun. Les
Gouuernemens des Prouinces & des Villes, qu’il a donné aux
Princes & aux gens de probité, afin que le Roy en fut fidellement
seruy ? Et apres tant de seruices qu’il a rendu au Royaume, vous
l’auez condamné criminel de leze Majesté, & perturbateur du